الحمد لله عد ما هبت النود وعد البشر وعداد نجم يبيني على سلامة من به الخير معقود عبدالله المحبوب سمح الجبيني يا خادم البيتين يا منبع الجود يا سيد التالين والأوليني حنا نحبك حب ابد ماله حدود وما دمت سالم كلنا سالميني إن طبت عاش الشعب بسهود ومهود والا ان شكيت فكلنا مشتكيني نشكي إذا تشكي من أمراض ولهود وان طبت والله كلنا طيبيني سلامتك يا سيدي يوم مشهود وفرحه ونشكر خالق العالميني تسلم لنا يا اللي لك افعال وجهود تعلي بها بلادك على الفرقديني تسلم لنا يا اللي بالاوصاف محمود وتسلم يمينك يا كريم اليميني يا مبرد كبود ويا محرق كبود شهد لنا وسم على الجاحديني حنا يابو متعب لك رجال وجنود ونفديك يا نفسنا وملك اليديني والله لو تضرب بنا العسر والكود لقيتنا يا سيدي طايعيني الله يطول عمرك سنين وعقود غصب على الحساد والحاقدينتي يشهد علينا الله وهو خير معبود إنا بحب ملوكنا مخلصيني في عزهم حنا من النعمه رقود وهم علي ما يسرنا ساهريني حنا بخير وبيننا الخير موجود ببلاد فيها قبلة المسلميني ومن بيننا من يزرع الشر مجحود ولا يحصد الا الخزي دنيا وديني وتهديد روس الشر باطل ومردود ولا عندنا الا الموت للمعتديني المملكة من دونها أسد وفهود ومن دونها لا عمارنا مرخصيني ثلاثة أشياء لها عندنا عهود وابد بها ما نساوم المرجفيني دين حفظه الله عن النقص والزود وهذا الوطن والقادة العادليني عطا الله بن سليمان العطا الله (الزلفي)
