صيف..الشعراء

في مملكتنا الحبيبة.. يوجد افضل المصايف التي تجذب بجمالها الطبيعي ومناظرها الخلابة المصطافين من جميع اقطاب المعمورة.. فقد بذلت حكومة مولاي خادم الحرمين الشريفين كل الجهود لتحسين هذه المصايف.. شعراء الوطن تحدثوا عن هذه المصايف ولياليها الجميلة.. اليكم مقتطفات مما قاله بعض شعراء الوطن عن مصايفنا الجميلة.
شاعر الوطن الشاعر الكبير خلف بن هذال العتيبي يقول من قصيدة:
ثلج على السوده نهار من الصيف
كنه يكسر فيه سكر نباتي
لثيت في ذيك الطوال المشاريف
والذ واحلا لحظةٍ في حياتي
أما الشاعر المعروف عبدالله حمير سابر الدوسري يقول:
ابا اتكلم وانظم الشعر يا سعود
ابها البهية والله اللي فرقها
جمالها المشهود ما عنه منشود
واعظم صفات الحسن حازت سبقها
يا حسنها يا حلوها ديرة الجود
من زارها ملزوم قلبه عشقها
فيها الطبيعة والهنا ما له حدود
وحدائقٍ يعبق روايح حبقها
أما نجم المحاورة الشاعر المعروف فيصل بن منصور الرياحي البقمي فيقول:
يا للي تبي صدرك يزيد انشراحه
تعال للباحه ولو نصف ليله
تلقى بها للقلب والنفس راحه
بين المناظر والجبال الطويله
التين والرمان في كل واحه
والخوخ والمشمش غصونه ظليله
أما الشاعر طامي موقد الزنغوب المطيري فيقول:
الوقت قرب عطلة الصيف يا بداح
نبا لنا يا بداح جوٍ برادي
جوٍ يجيه مروح المزن مرواح
والورق فيه يجيب صوت المنادي
يبعد شرود الفكر عن كل سراح
ليا جر صوته فوق الاغصان شادي
نبي نقضي ما بقي مزح وافراح
فالمملكة ما بين حضر وبوادي
ابا اتريح من عناء الوقت وارتاح
واسج وامشي في مصايف بلادي
أما الشاعر مداعب الحروف عايض بن مساعد فيقول:
من نار شوق الخفوق ولاهب اجراحه
اونست وسط الحشاء من جمرها الصالي
ولا برد حرها الا نسمة الباحه
ذعذع هواها وقمت اجر موالي
في جوها الشاعري حسيت بالراحه
خفف نسيمه من اوجاعي وغربالي
ومن قصيدة سبق وان كتبتها عن مصايفنا الجميلة اختار منها:
قالوا تسافر قلت انا.. وين ابا روح
قالوا.. نبيك تروح تاخذ تمشي
سفره الى الخارج ترى تنعش الروح
مشى القدم والله هو اللي يمشي
قلت اسمعوني موطني عنه ما روح
عن موطني والله فلا اشيل قشي
ان كان لي رغبة سفر تبعد الشوح
لمصايف بلادي يطيب التمشي
نسمة هواها تودع الصدر مشروح
تزيل هم داخل القلب خشي
وعطر الورود اليافعة دايم يفوح
عطر الطبيعه من ثراها يبشي
نتمنى للمصطافين صيفا جميلا في مصايفنا الجميلة.. والى اللقاء مع موضوع آخر.