نهني وزير الداخلية

باسم الحرس ضباطهم هم والافراد
بالالويه ويضا كتيبه كتيبه
اللي فعايلهم قديمات وجداد
ويروسهم مجد البلاد وحبيبه
نهني وزير الداخلية بالامجاد
لا من الوطن من هيبة اليث هيبه
ما هي غريبه منه والفعل شهاد
يا ويل اللي بالشر نايف طليبه
مع نائبه ومساعده نعم الاعضاد
وافين حزات الامور الصعيبه
معهم جنود الحق للشر مرصاد
شجعان ما يرضون ذل وغليبه
يا زاد شر الضد له شرهم زاد
الموت من دون الوطن ما تهيبه
يستاهلون المدح شجعان الاولاد
يا عل ما يشكون يوم المصيبه
رجل الامن يقول بالروح زهاد
دون الوطن موت الشهاده رضي به
رجال الامن لامن الوطن صح الاسياد
أمن الوطن ما فيه غفله وسيبه
واللي جرا بالرس من فعل الاوغاد
اللي مباديهم صحيحا عجيبه
العفو معهم طول الايام ما فاد
واهدافهم في كل مبدا غريبه
ما يكتب الترويع للمسلم جهاد
والميت ما يحييه وصفة طبيبه
مصادر الارهاب جابة للانكاد
مشوا دروب عوج ما ينمشى به
ما فادهم توجيه بالحق وارشاد
مشوا طريقا فيه شبهة وريبه
ومعهم دسايس ما بلاده لنا بلاد
من ديارهم للمملكة ويش يجيبه
بقلوبهم للمملكة شر واحقاد
اخسوا خسيتوا يا لوجيه الغضيبه
الضيف ما يخون يا مالح الزاد
ومن خان يبشر بالخزا والمعيبه
المملكة شعبه للامجاد رواد
والدين يا هل الشر ما ينعدي به
الدين دين الحق ينفا للاحقاد
وسنة نبيه للهدى نقتدي به
بقيادة اللي للبلد بالعدل قاد
راعي عداله في شبابه وشيبه
قائد سفينة من تبع لامة الضاد
وايضا خدم مقام مكة وطيبه
وصلوا عدد رمل البسيطه بالانفاد
على نبيا سنته نهتديبه
سميحان فهد السويدي الشمري
مركز تدريب الحرس الوطني بالرياض