سياحة وراحة

سلام الله على اللي غادر بلاده قبل يومين
حزم عفشه وراح ونيته للخارج سياحه
وأنا ما قلت له مسراك يا وجه السعاده وين
معه رايه ويعرف وش مخاسيره من ارباحه
لو ان الراي رايي قلت له كلمه لها حرفين
ويلقى في ديار العز كل الخير والراحه
حشا والله ما اجامل والوطن حقه على الغالين
يعزون السياحة فيه حتى تكمل افراحه
جهاته كلها تفتح مجال وبالكرم وافين
من الدمام شرق وتاصل الطايف ليا للباحه
وشمال المملكه زاهر وتمشي للمقر الزين
جنوب المملكة ما كنك الا نازل الواحه
انا عبرت عن ما في ضميري واترك الباقين
تشجع كل سايح وقت معواده ومرواحه
أحمد بن سعود الحمد
الزلفي