نقدر على دعوةٍ مرات وزياده ... في ظلمة الليل عن خلقه انخفيها

نوبٍ يصيب العيون ونوب يخطيها
كني على اللي حقبها مس بشداده
عدهيتن تقطع البيداء وتدنيها
باسباب من كان عنه الناس نشاده
من وعكةٍ يا عسى ربي يعديها
يامنزل الغيث عقب الجذب لبلاده
يا محيي القاع يا مخضر نواميها
يا مشفي أيوب عقب الكرب ونكاده
يا رب الارباب يا مذري ذواريها
تشفي الخادم بيوتك منبع القاده
ياممرض النفس في رحمتك تشفيها
ياسيدي لو يجيب العبد ماراده
ناقف معك لين يصفى كل صافيها
لكن في حكمة اللي يحصي عباده
بالبر والبحر حافظها ومحصيها
نقدر على دعوةٍ مرات وزياده
في ظلمت الليل عن خلقه انخفيها
ويدعيلك اللي بلش في عيشت اولاده
رفعت عنه الظروف اللي يعانيها
ويشفعلك السامي اللي ضاق بمهاده
أمه بكل الدعاء لك ترفع يديها
ويدعيلك الي ذرف دمع على خداده
في ظلمت السجن ضايقةٍ مهاجيها
كلٍّ سكن مع ذويه وباقي أفراده
وسترت حوالهم من عقب ماضيها
ويدعيلك اللي رفع بيته على عماده
في صحصحٍ يشوي القمري رماضيها
مشيتله راتبٍ يجري على العادة
وعقب الصحاري سكن باحسن مبانيها
لو نذكر فعولكم ما نحصي عداده
العفو يا سيدي بالقول محصيها
يمناك بالخير للمحتاج مداده
لعلها في موازينك حسانيها
غيثٍ يرش الكبود بصوت رعاده
اليا ضرب ديرةٍ تمشي مجاريها
يفرح صديقه ويكره كل حساده
لاشان حد الزمان وبان مافيها
واليا بطش بالخصيم وزاد بعناده
حدر التراقي بضرباتٍ يداويها
بسيفٍ يشيل الجماجم ضربت احداده
درسٍ لمن كان له نيات ناويها
ماهي غريبة توارثها من اجداده
هل البطولات حاضرها وماضيها
أبوه عبدالعزيز اللي له الساده
كل الصعاطير تحت أمره توطيها
صاروا له أصحاب قومٍ كانت اضداده
من حنكته تطلع الفتنة ويطفيها
يابعد مصباح من صبَّح ومهجاده
حتى صفتله على الوجنا روابيها
مطعومة الاسمرين اليا نفد زاده
من فوق عوص النضا يبعد مماسيها
من فوق عوص النضا يابعد معواده
بين الغزالين بالمطرق يلاحيها
حتى وصل راعي الطولات بجهاده
حقق طموحاته اللي كان ناويها
يالله عسى جنة الفردوس مقعاده
على فعولٍ لوجه الله يسويها
الشاعر - مساعد بن صنت بن معيتق الخياري الرشيدي - بريدة