محمد بن سالم بن جمعان العلياني

يا مملكتنا دام عزك

بديت بسم الله فلاق الأصباح
اللي بسط سبعاً وسبعاً بناها
يا مملكتنا دام عزك والأفراح
في عهد حكامٍ يذري ذراها
آل سعود مخضبة روس الأرماح
حكام نجد مطوعة من عصاها
عيال عودٍ عاف نومه ولا ارتاح
حتى المعوشة عافها ما اهتناها
خذا على العيرات مسرى ومصباح
داس المخاطر كلها واحتماها
حتى أنصحت كل القبائل بالإنصاح
ونجد العذية سلمت له عصاها
عبدالعزيز اللي جلا الظلم وانزاح
وأرسى رواسيها وثبت خطاها
وسعود بعده للعصيبات نطاح
حاز المراجل كلها واحتواها
وفيصل صعيب الراس كساب الأمداح
وعداه وقت الضيق يسحن أدواها
وخالد على أبناء الشعب ما هو بشحاح
كل الجزيرة صار غيث «علاها»
وفهد فهدها طور الجيش بسلاح
وجاب الذخاير كلها واشتراها
ويصرف ملايين على كل فلاح
خلى بلاده عاليا مستواها
وخلى المواطن داله الصدر منساح
في نعمة ما قبله أحد لقاها
يا دار من دونك نبيع الأرواح
دارا ربتنا كيف ننسى ثناها
كنها عروس توها مسكها فاح
كلٍ يبيها غير جعله أفداها
وصلوا على اللي قام يأمر بالإصلاح