يامرحبا ترحيبة الخل بالخل

بقدوم من بقدومهم موسم الخير
عفيف نو الخير فوق ارضها هل
والخير قايد من سما طويق للنير
على علاوي نجد بشر به الكل
بشراً تهيجنها صدوق التعابير
يامرحبا ترحيبة الخل بالخل
بقدوم من بقدومهم موسم الخير
من الغلا الهم نفرش اقلوبنا زل
وتنبت على البيدا زهور ونواوير
في خالد الطيب السمو المبجل
وفي نائبه تركي شموخ المغاوير
نجد العذيه في كنفهم تدلل
بنتٍ خلقها الله ماتطلب يصير
على يديهم كل صعبٍ مذلل
جتنا زيارتهم تزف التباشير
ولو ماولي الامر شايفهم الحل
ماكان حظيو منه في خير تقدير
مليكنا اللي في ذراه نتظلل
الله يحفظه من صدوف المقادير