حييت يانجم طلع طلعة النور

حييت يانجم طلع طلعة النور
علا لواميع النجوم وكسفها
لاجال قامت تجتول فيه وتدور
وان شعشعت قبله تبين كلفها
نجم سما نجد العذي فيه مسحور
وثراه محسود وعذوله سفهّا
شوفه عياد وبهجة افراح وسرور
ويحمد مواقيف السعد من وقفها
نبراس برج ياعسى جنة الحور
منزال من سمك سماه وسقفها
عبدالعزيز اللي بنى للوطن سور
ورسى دعايمها وعلا شرفها
برج نجومه للتواريخ دستور
تمشي على سنة سلفها خلفها
لا غاب مسطور بدا نور مسطور
هدي الشريعه هديها ومهدفها
في ظلهم عاشت حرا قرن وعصور
وذاقت عقب ضنك المعوشة ترفها
واليوم تنعم في حجا شامخ الطور
اللي بصلفات المواقف نصفها
عبدالله اللي بادره بادر بكور
وسم تلاعج بالمناشي قنفها
نواً تباشر فيه بدوان وحضور
واهل البحور اللي تغوص لصدفها
كلّ علا نوه بذر كل مذخور
نزرع به الحبه وسبع قطفها
غيث العروبيه فرج كل ماجور
علا كبد صرف الليال وصلفها
بيمناً ليا مرت على حال معسور
تخضر سنابلها وتسمن عجفها
وعينً لنا بحجاجها نور وسبور
من خوف حاجة سايل ما لحفها
وقلب على بر المحاويج مفطور
وروح برا جرح اليتيم ابكنفها
وخلاف هذا ما نقل زايم الزور
منا ملك لب القلوب ولفها
بعدل موازينه عن الظلم والجور
في صالح المظلوم ترجح كففها
وراي اليا التموا هل الشور للشور
للشعب ينقا حبها من عذفها
رفاي عثرات وجبار مكسور
وعدال ميلات تبين جنفها
لله مامول وفي الله محذور
وابصار عذاله حسير طرفها
لو قلت فيه وفيه ماهو بمحصور
لا شك فيه اوصاف للي عرفها
احلا من اللي في ذرا السيف مثمور
وامر من ذب السيوف لهدفها
الشاعر/ نايف عبدالله الحصني - الفوج السادس