حورية الشعر

قال:الأمل ليل،قلت :اب..انتظر فجره=ماشلت هم الغياب اف.. طول مشواري
يوم إن خد الفجر ورّد من الحمره=طعنت ظلمة غلاك وسالت اشعاري
ماني بمن يعجزه بيت الشعر كسره=حوريتي نزف غيم بصفحة القاري
جيتي وجاء الغيم والهتان والخضره=واينع غصن هاجس الشاعر على اسواري
شميت وردك وطاب لخاطري جبره=واسرف بعطره بعد ما عرف مقداري
أنتي ختام الغلا وبداية القطره=والوصل ليل(ن) غدا فتخومه الساري
تبقين شمعة غلاي وسيرتك عطره=رغم الغياب أنتي اللي يلهم افكاري
وأنك تساوين عندي عالم(ن) بأسره=لكن حقيقة ظروفك واقع اجباري
عطني للآمال ظهر(ن) يحتمل وزره=واعطيك نهر(ن) زلال من الوفاء جاري
وداعتك يا ملاك الجرح والعبره=مركب هوانا .. لحالي ناوي ابحاري
طيرالغلا عظم الله يالحبيب اجره=خله..لادام أنت لا بايع ولا شاري
نصيت قلبي بعدك ودقي لي صدره=إنه يريح ركابي لا أوحش الطاري
والطير لا بعد هداده يرجع لوكره=الواقع المر قسمه من يد الباري
من يوم قلت :الرحيل ، فراقنا بكره=هذي الحقيقه وهذا وجهها العاري