ياللي عن البال طول الوقت ماغبتي سيرتك عن شاشة الأفكار ما غابت ما والله أتوب عن حبك لو تبتي وإن قالوا الناس تابت قلت ما تابت أعد الأيام من سبتي إلأى سبتي والشوق حامي بقوة والغلا ثابت وأنشد هموم الليالي أقول وش جبتي وتقول الأيام لا ودت ولا جابت ياللي رميتي سهامك كيف ما صبتي؟ وانتي سهامك على عين الهدف صابت ما عاد ينفعني إبداعي وموهبتي اللي تلاشت معك وأفكارها شابت خلي جروحي معي في عظمة رقبتي لأبطي وتبطي جروحي منك ما طابت ودان شعري عليك ولا طلع نبتي وانتي من أول سحابة والغلا نابت أنتي سبب غربتي لو ما تغربتي زرعت فيك الظنون إن كان ما خابت حتى ولو كان بأعصابي تلاعبتي مشاعرك شكلها من هيبتي هابت
