خواطر من فوق السحاب

هناء عصام
اللى يلقى نظرة على تقرير الكونجرس اللي عمله على اساليب التعذيب لنزع الاعترافات ف الcia من اول حرمانهم من النوم لمدة 54 ساعة متواصلة ..لدلق جرادل الميه ف الانف والفم لايهامهم بالغرق... لضخ الاكل ليهم عن طريق فتحات الشرج ..لحمامات التلج و خفض درجة حرارة الزنازين .. لمنعهم من الذهاب للتواليت لمدة ايام ...لوضعهم ف صناديق مليانة بالحشرات و الدود ... ده طبعا غير الكهربا و الاعتدائات الجنسية و التعريه و الاذلال .
على فكرة احد اسباب موضوع غلق السفارات..خايفين من ردود الافعال بعد نشر التقرير ده !! عموما اهى بعضمة لسانها بتعترف انها صانعة الارهاب ف العالم !!!
يا بنت الايييييييه يا امريكا !! ده الشيطان جمبك ملاك !
***
أكتر حاجة بتعجبنى ف كارفور هو كم الصم و البكم اللى شغالين فيه و بيتعاملوا مع المجتمع سواء الزباين او الزمايل او اى حد عادى ! انا انهارده دار حوار بينى و بين واحد فيهم و كنت ف منتهى السعادة انه فاهمنى و انا فاهماه !! الجميل ف الموضوع انهم اولا مبتسمين ف وشك طول الوقت و عندهم كم ضمير و حماس ف الشغل غير طبيعى !! نفسى باقى المحلات و الشركات و كل اصحاب الاشغال تفهم ان ربنا لما بياخد جزء م الانسان بيعوضه بحاجة تانية مش عندى ولا عندك !!و ده ان دل فانما يدل ان كلنا ذوى احتياجات خاصة ....لا استثنى احدا !!
***
هى ليه كل الاخبار اللى بتتنشر دلوقتى بقت من نوعية زنا المحارم والشذوذ و الاب اللى قتل ولادة و الام اللى اكلت جوزها الخ الخ ! ايه القرف ده !؟!؟ لا و تقفل الجرنال تقابلها ف وشك ع النت ..تقفل النت تشوفها لايف ف الفضائيات ..تقفل التلفزيون تجيلك مسج ع الموبايل !! اييييه يا جماعة حسوا بينا يحس بيكو ربنا !!! ماهو دى لو افورة و فضا اعلام تبقى مصيبة ولو ده بقى اسلوب حياة فالمصيبةُ اكبرُ !! انا صحيح ضد التعتيم لكن و ايش نستفاد من نوعيات الاخبار دى الا طاقة سلبية على كراهيه للمجتمع على شوية انتحارات فوق بعض ؟! و محدش بقى يقولى فقر و جهل .. كلمنى اكتر عن سويسرا اللى كنا عايشيبن فيها !!! خسارة والله ..فيييييين ايام ريا و سكينة و زمن الجريمة الوسطى الجميل
اعلامية بالتلفزيون المصري