4 آلاف ريال تسعيرة الإقامة ليلة واحدة في فنادق مكة و65 ألفاً للعشر الأواخر

سجلت أسعار فنادق وشقق مكة المكرمة ارتفاعات كبيرة لموسم رمضان القادم، ووصل متوسط اسعار الغرف نحو 4 آلاف ريال، في حين تراوحت اسعار الفنادق المطلة على ساحات الحرم المكي بين 4 آلاف لليلة الواحدة و18ألف ريال لايام الاربعاء والخميس والجمعة، ووصلت اسعار الاستديو الى 6000 لليلة الواحدة وترتفع الاسعار مع بداية العشر الاواخر من رمضان لتتراوح بين 6 آلاف و 6500 ريال لليلة الواحدة بمجموع يتراوح بين 60 ألفا و 65 ألف ريال، في حين تصل أجرة العشر الاواخر من رمضان في الفنادق التي تبعد عن الحرم نحو 150 مترا الى 13 الف ريال للغرفة الواحدة، حيث تم حجز كامل الغرف في هذه الفنادق من الان.
من جهتها أشارت مصادر الى أن اسعار الايواء ترتفع في رمضان بنسبة تتراوح بين 20 و 25%، في حين يصل انفاق المعتمرين خلال شهر رمضان الى نحو 1.5 مليار ريال، منها 750 مليون ريال خلال العشر الاواخر من الشهر.
وقال رئيس لجنة الحج والعمرة بغرفة تجارة مكة المكرمة سعد بن جميل القرشي: من المتوقع أن يبلغ عدد المعتمرين في موسم رمضان نحو 500 ألف معتمر، فيما تجاوز عدد المعتمرين حتى الربع الثالث من العام الحالي 3 ملايين معتمر، انفقوا حتى الان ما يقارب 9 مليارات ريال، مشيرا الى أن انفاق المعتمرين من الخارج خلال العشر الأواخر يقدر بنحو 1000 دولار لكل فرد، بينما ينفق معتمرو الداخل نحو 3 آلاف ريال لكل فرد.
واضاف ل"الرياض" أن اسعار الفنادق والشقق المفروشة ترتفع في رمضان نسبة تتراوح بين 20 و 25% وتخضع اسعارها لموقعها من حيث المسافة التي تفصلها عن الحرم وكذلك فئتها.
اللجنة سوف تشارك بورقة عمل في المؤتمر العالمي الأول الذي سيناقش جودة الخدمات في الحج والعمرة والذي سينعقد في شهر شوال القادم برعاية كريمة من خادم الحرمين الشريفين الملك عبد الله بن عبد العزيز يحفظه الله ، وأشار إلى أن يوم الثلاثاء القادم 29 شعبان الجاري هو آخر موعد لإصدار تأشيرات المعتمرين من القنصليات السعودية في الخارج، مشيراً إلى أن إجمالي ما ينفقه المعتمرون خلال كامل الموسم يصل إلى 9 مليارات ريال، بينما يتم إنفاق 1.5 مليار ريال في شهر رمضان، منها 750 مليون ريال في العشر الأواخر.
وأكد القرشي وجود تحسن في التزام الوكلاء الخارجيين بالنسبة لحجوزات سفر المعتمرين بعد فرض عقوبات على المخالفين حيث اصبح هناك ضمانات كافية لدى مؤسسات وشركات العمرة من قبل المكاتب الخارجية للوكلاء الذين يتم إبرام عقود معهم، مشيرا الى أن عدد الشركات العاملة في موسم العمرة للعام الجاري يبلغ نحو 45 شركة ومؤسسة ولكن عدد المعتمرين يحتاج إلى شركات إضافية.
وكشف القرشي عن وجود لجنة خاصة مكونة من وزارة الداخلية ووزارة الحج لبحث مشاكل إيقاف المؤسسات والشركات.
من جهته قال رئيس لجنة العمرة بغرفة تجارة جدة أحمد كريشان: تم ايقاف 175 شركة من مجموع 220 بسبب ارتفاع نسبة المتخلفين، ووجود ملاحظات عامة في تقديم الخدمة، في أن بعض الشركات التي تم ايقافها لم تسجل ضدها اي ملاحظات، غير ان وزارة الحج وضعت معايير معينة لم تنطبق عليها، رغم تقديمها خدمات جيدة خلال الموسم الماضي.
الله يذكر ايامك بالخير يالشامية
سعر الشقه مايتعدى 150 ريال
يا حبيبي يبون يمصون جيوب المعتمرين ....
ووزارة التجارة أتحداها تحرك ساكن ....
أصلاً شوفوا لمن أصلاً الفنادق ( المطله للحرم )) بعدين تعالوا خلونا نناقش الموضوع !!
في مكة وربي إستغلال في إستغلال بعذر الناس لو قاموا يشحذون بالتوسعة ؟!
قارورة الموية ب 2 الببسي ب 2 الساندويتش ب 6 هذا أردى وأخس مطعم ......... الخ البقالات تفاوت بالأسعار وربي البيت !!!
تشتري معلبات في الرياض ب 100 نفسها بمكة ب 400 ريال وربي البيت !!!
إذا سلمنا من السكن ومصاريفه ما سلمنا من المحلات والبقالات وطمعهم وجشعهم ووزراة التجارة جيدة في نشر الإشاعات بين المنتجات على [ المحسوبيات ] ...!
يارب أخذل كل ظالم وطاغي ومن أكل أموال الناس بالباطل ومن أستغل المسلمين الله أهلكه يا قااااادر .
انالله وانا اليه راجعون ===== من علامات الساعه والله اعلم -------------------------- سبحان الله وبحمده ------------سبحان الله العظيم
6500 ريال والعشر ايام 65000 الف
لاولله ربي ارحم منهم النيه تبلغ
طيب الي ماعنده غير رويتبه ياخذ من خيام السنيدي يعني ؟
السياحه لكم أجمل تحيه وينكم ههههه
من يملك هذي الابراج !!!!!
من اين لك هذا
مافية مشكله اسكن بيعد عن الحرم 100 ريال شقه غرفتين وحمام ومطبخ وصاله والتعب على الدباب يوديك الى الحرم بعشرة
يعني اللي بيروح لايفكر ينام
السلام عليكم ( مبارك عليكم الشهر )
بداية ردي لصاحب الرد الأول أما فندق 150 ريال لليلة مو معقول
فنادق أقل شيء 300 ريال ولا تنظر للغرفة بغض النظر عن أنها غرفة
شف سعر المتر عند الحرم بكم يوصل 300 ألف ريال للمتر الواحد يعني قطعة أرض أحتمال كبير توصل للمليار ...
يعني أشوف السعر صح غالي أنها تكون 4000 ريال .. بس أن سعر الغرفة بنظرك 150 ريال لا .. حتى أن سعرها 4000 ريال بعد.. لا يعني أشوفها 1500 ريال مناسبة فقط في وقت رمضان بحكم أنه موسم
أما الأيام الثانية 400 ريال
ودمتم
( أختلاف الرأي لا يفسد للود قضية )
طاعون ..
السلام عليكم
يا اخوان
لا يلعبون عليكم يبون يدفعونكم حقت المواسم الماضي ودايم مع بداية الموسم يطلعون ها الاشاعات من باب اضربة با الموت يرضاء با السخونة
من خلال تجربة مريت بها
اولا:
المكاتب السياحية الاجنبية التركية والايرانية والمصرية والكويتية والاماراتيةتبيع الغرف على السعوديين بربع القيمة اللي يا خذونها السعوديين من اصحاب الفنادق او العماير يعني استغلال حقيررررررررررررررر وا واطي لابناء الوطن من اناس عاشو على اكتاف وارزاق هذا الشعب
ثانيا:
الاشخاص الموجودين في الاستقبال والموكلين بتاجير العمارة يرفع السعر على المواطن اعلى من السعر المتفق علية مع صاحب العمارة ويخلي الفرق في جيبة ولا يعطيك وصل او فاتورة ويتهرب واذا اصريت على الفاتورة اعطاك الفاتورة وما يجية الا نسبة من الفرق ويضيع علية الفرق كامل
غرفة تاجر على سعودي 500 ريال ونفس الغرفة تاجر على سوري ب 250 وكلهم في وسط الاسبوع معقول ها الاستعباط واللة يكفي لا حكومة واعية تقطع يدين ها اللصوص ولا ناس تحترم ها الشعب المسكين اللي صار ذليل في ارضة ورزقة وحلالة يا كلونة الاجانب واشباة الاجانب عيني عينك والحكومة تصفق لهم وتقر الانظمة اللي تساعدهم على المزيد من دوس المواطن واذلالة
ثالثا:
يا اخوان عمرك ورح لدارك وصل في مسجدك وعند جماعك وقريب من بيتك وعيالك ترعاهم وتحفظهم كتاب اللة وتشارك با الجهود الخيرية وتساعد اقاربك وجماعك
رابعا:
واللة ما يرفع الاسعار الا حنا ما نعرف كيف نتكاتف ونضع حدود عليا للاسعار اذا زادت خل بضاعتهم لهم حتى وانت قادر لان المسالة في النهاية استغلال لطيبتنا وسذاجت البعض اضافة للفشخرة الزايدة عند بعض الناس وحب الظهور والمظاهر اللي ذببحت الناس
خامسا:
يا اخي الحرم واسع واجر الصلاة ووواحد داخل حدود مكة الحرم اذا انت تبي الاجر وراحة البال ومصر على الصلاة في مكة يا خي عندك اماكن كثيرة وبعيدة عن الحرم والاجر واحد
واللة على ما اقول شهيد
الشي المضحك والمبكي هو الاعلام عندنا الذي يروج دائما للمسؤليين ((خدمة ضيوف الرحمن)) وانهم يقدمون افضل الخدمات للحجاج والمعتمرين!!
وهذه الاسعار بين ايديكم! جشع وطمع واستغلال مكانة مكة المكرمة للنهب من اموال الحجاج والمعتمرين!!
وجميع هذه الشقق هي ملك لاصاحب النفوذ والسلطه!
الله ينتقم من كل ظالم
الا اروح اسكن بطرف مكه والا اسكن بمحبس الجن قال ايش قال 65000 ريال صحيح انها اطهر بقاع العالم لكن السعر خيالي حتى ما تصير في الحلم
اماهو لازم تسكن في فندق 5نجوم ومطل على الحرم وللي مايقدر يدفع هالمبالغ العالية زيي) لايروح في هذا الوقت ( والموضوع سنة ماهو فرض ومرة بالعمر اما الواحد لازم يروح كل رمضان ويسكن 5 نجوم ومطل على الحرم ويضايق المسلمين هناك فلازم يتحمل ويشتكي بعد,,
أكيد يبغون يعوضون خسارة انفلونزا الخنازير
ماأقول غير حسبي الله ونعم الوكيل
اللى يبغى يأخذ عمرهالحرم مفتوح 24 ساعه فى اليوم -اما شققهم ابو 65000 الف خلوها لهم - انشاء الله يخللوها - ولا العمره ماتنقبل الا اذا دفعت الجزيه فى شققهم
خليها.........................................................................................
..................وعليها
اقول لااصحاب هذي العقارات اللي ما يخافون الله
اللهم يبس الدم في عروقهم وزلزل الارض من تحتهم
واجعلهم يتمنون الموت ولاياتيهم ياعزيز يارحيم
يعني لازم تجفيف جيب المواطن
الله لايبارك في فلوسهم بحق هذا الشهر الفضيل هولا الطماعون اصحاب الفنادق والشقق بمكه وين الحكومه وين ملك الانسانيه مايتدخل ا-بو متعب مايقصر لو يدري بهذا الشى لان المسلمين تبي العمره في شهر رمضان
الله يعين
ناس ماهي لاقية شي تقضي لرمضان
وناس تلعب بالفلوس لعب
يارب سترك وعفوك
الأخ وافي كلامك في الصميم
والسيف الأملح لجميع مالكي الفنادق والشقق المجرمين
الناس رايحه تطلب الله في الشهر المبارك مو رايحه للسياحه ليش الاسعار المبلغ فيه اين الرقبة من وزارة التجارة والى متي يوزارة التجارة وانتي نايمه عن الاسعار التي لاتدخل العقل
لاحول ولاقوة الابالله
يالخالدي
بالنسبه ل 150 ريال فهذا صحيح
انا سكنت بقصر البدر بجنب باب المدينه مايبعد ولا 60 متر ب 150 ريال بغير المواسم
وبالمواسم مثل رمضان والأجازه مابين 200 ل250 ريال ونظيف ويمكن ازين من نظافت بعض الفنادق
ودمتم
( أختلاف الرأي لا يفسد للود قضية )
الرسول صلى الله عليه وسلم حج مره واحده وعتمر اربع مراة بعدين يا اخوان والاجرفي كل الاوقات وفي كل مكان والدين يسر ولله الحمديعني ماهو لازم كل سنه تروح لمكه وتعتكف كل رمضان ولاهو لازم تسكن بجنب الحرم يعني خله كل ثلاث اربع سنوات افتح المجال لغيرك وتقبل الله منا ومنكم صالح الاعمال