دردشة اطفال

@ ما اسمك؟
* خليفه.
@ وبعد؟!
* بس هذا اسمي انا.
@ اقصد اسمك بالكامل.؟
* ابوي اسمه جاسم محمد الحسين انا خليفه.
@ طيب كم عمرك؟
* ست سنوات.
@ تحب تروح المدرسة والا الروضة كانت احلى؟
* لا احب المدرسة عشان ادرس فيها القرآن واتعلم اكثر من الروضة كلها لعب بلعب.
@ مين تحب اكثر بابا والا ماما؟
* بابا هو يحبني وبعد يضربني
@ الا يحب يضرب؟؟
* لا بس بابا غير عشانه مرة يحني
@ يعني انت لما تحب تضرب؟
* ايه.. لما احب اخواني اضربهم بس ما اعورهم.
@ والمدرسة؟
* احبها بس ما تنضرب جدار وبعدين هذي مدرستي تعلمني.
@ وين تروح بالاجازة..؟
* الملاهي نلعب فيها سيارات وسفينة البحر.
@ اذا كبرت وش ودك تسوق؟
* دبابات عشان فيه البريك.
@ طيب لما تكبر وش تحب تصير؟
* شرطي مثل بابا واذبح الحرامية.
@ خليفه تحب الفلوس؟
* اكيد احبها فيه احد ما يحب الفلوس اللي يجيب فيه كل شيء..
@ طيب كيف يسون الفلوس؟
* ورقة يطبعون عليها ارقام وما احد يقدر يسوي زيها الا مدير البنك.
@ تتابع برامج التليفزيون؟
* ايه احب مسلسل جرح الزمن وثمن عمري.
@ ليش؟
* عشان في طراقات والوان حلوه واللي يمثلون يعرفون يبكون.
@ وش احلى اكله عندك؟
* اكل المطعم واكل البيت احب السمك والدجاج.
@ السمك وين يعش وكيف يطلعونه؟
* يعيش بالماء. لا لا بالبحر الكبير عشان فيه اكلها ويطلعونه بالمصيدة الكبيرة يغسلونه ويبعونه.
@ انت تحب تسافر؟
* السفر حلو انا رحت البحرين مع بابا وخالي وودي اروح دبي.
@ طيب اي احلى السعودية والا البحرين ودبي؟
* السعودية عشانها ديرتي وحبيبتي.
@ مع مين تلعب؟
* مع اللي احبها ثنيان سارة محمد والصغيرون مرة فارس؟
@ تحب الحيوانات؟
* لا عشانهم ما يتروشون.
@ اذا شفت الفقير بالطريق وش تسوي له؟
* اخذ من بابا افلوس واعطيه عشان يروح يتعشى.
@ تحب الكورة؟
ايه واحب سامي الجابر عشانه يعرف يشوت الكورة ويجيب قوول.
@ اي اكثر تحب الاولاد والا البنات؟
* الاولاد عشانهم اصدقائي وبعدين البنات يصيحون بسرعة.
@ ايش رايك بالمستشفى؟
* لا عشان يعطون ابرة
@ طيب اخر شيء وش تبي تقول لنا؟
ودي اصير شرطي مثل بابا عشان ادافع عن ديني والملك والوطن.