دردشة اطفال

@ ما اسمك؟
محمد ناصر.
@ كم عمرك؟
خمس.
@ تحب الروضة؟
ايه.. عشان اتعلم.
@ وش تتعلم بالروضة؟
القرآن الكريم والانجليزي.
@ لما تخلص الروضة وين بتروح؟
لمدرسة مع اخوي فهد.
@ تحب معلمة الروضة؟
ايه.. بس ابلة (مريم).
@ ويش تدرسكم ابلة مريم؟
تدرسنا حروفا وارقاما.
@ ما الذي تتمناه عندما تكبر؟ وليش؟
موظف بارامكو ميكانيكي مثل بابا.
@ الميكانيكي وش يشتغل بالضبط؟
يصلح السيارات.
@ تعرف معنى كلمة ارامكو؟
اللي يشتغل فيها ابوي ناصر المنصور.
@ هل تحب ان تكون قوي؟ ولماذا؟
نعم لألعب الكرة.
@ ما افضل لعبة لك؟
الكرة.
@ تحب تلعب مع بابا؟
ايه كرة القدم لان بابا لاعب كرة النهضة.
@ طيب.. تعرف قوانين الكورة وكم تحتاج للاعب؟
اعرف ان هناك لاعبين اثنين.
@ ومتى الحكم يعطيهم كرتا احمر او اصفر؟
اذا امسكوا الكورة بأيديهم يعطيهم احمر واذا ضربوا بعض يعطيهم اصفر.
@ لما تكبر وش نوع السيارة اللي تحب ان تقودها؟
سيارة مكسيما.
@ وش احلى مدينة بالمملكة.
مكة عشان فيها الكعبة.
@ تحب تلعب مع الاولاد او البنات وليش؟
الاولاد لان انا رجل.
@ الرجل السعودي ليش ما يحب يطبخ؟
عشانه رجال وهذا شغل الحريم.
@ تشاهد التلفزيون؟
فلسطين والجزيرة.
@ وش تشوف بقناة الجزيرة وفلسطين.
اطفال يذبحون في العراق وناس واجد تموت في فلسطين.
@ قناة التلفزيون السعودي ما تتابع برامجها؟
الا اتابع فيها افلام الكرتون.
@ بعد حرب العراق وش اللي صار فيها؟
قتل ونهب وتكسير البيوت.
@ ما رأيك في امريكا وبريطانيا؟
كفار ما احبهم.
@ وش اللي يحزنك لما تشوف فلسطين؟
يحزنني ان ليس لديهم منزل.
@ ليش فلسطين ما عندهم بيوت؟
لان اليهود الكفار هدموا بيوتهم.
@ تعرف وش السمنة؟
ايه.. الواحد يصير منتفخ حيل.
@ طيب وش علاجه؟
ما يأكل شيئا الين يموت.. يموت
@ ما معنى كلمة الحرب؟
الموت.
@ ماذا تشجع من المنتخبات؟
الهلال.
@ مين اكثر لاعب تشجعه في الهلال؟
بس ابوي اللي اشجعه.
@ ماذا تحب ان تقرأ؟
سورة الناس.
@ من اللي تعزه وتحترمه؟
ماما وبابا وجدي.
@ جدك يحكي لك عن ايام زمان؟
كير يحكيي عن دراستهم القرآن الكريم زمان اول.
@ سمعت عن بوش وبلير وابن لادن؟
سمعت عنهم وهم كلهم كفار لانهم دمروا المسلمين ماعدا ابن لادن مسلم.
@ طيب من هو صلاح الدين والملك عبدالعزيز؟
الاول مسلم والثاني بابا عبدالعزيز.
@ ماذا يعني لك الفقير؟
يعني ما عنده فلوس ولا اكل وأنا اعطف عليه.
@ ماذا يعني لك الاسلام؟
الصلاة.
@ والسلام وش يعني لك؟
الناس تسلم على بعضها وتقول السلام عليكم.
@ والاقتصاد؟
يعني اوراقا.
@ والسياسة تعرفها؟
هي المسايسة.
@ وش رأيك في الشبكة العنكبوتية؟
اللي اعرفه انها بيت العنكبوت.
@ طيب الانترنت.
كمبيوتر.
@ ايش رأيك في قرارات جامعة الدول العربية؟
الى الحين ما قرأتها لاني توني ما وصلت للجامعة.
@ تعرف وش يدرسون بالجامعات؟
كتب وقرارات.
@ الملاهي تحبها.. وش رأيك فيها ما تحس بان ينقصها شىء؟
احبها حيل لان فيها العابا بس ينقصها قطار الموت.
@ وش مشكلة العالم الاسلامي اليوم؟
ما عندهم اكل ولا ماي.
@ ما الحيوان الذي تكرهه؟
الماعز لان صوته عال.
@ والحيوان اللي تحبه؟
الحصان عشانه مرة سريع.
@ وش رأيك في التأمين وحزام الامان.. ورجل المرور؟
التأمين يعطينا ويأخذ فلوسا وحزام الامان نحطه عشان ما نصدم والشرطي زين
@ عندما ترى مريضا في المستشفى ماذا تفعل؟
اسلم عليه وأقول سلامات.
@ ماذا تدعو للدول الاسلامية الفقيرة؟
ندعو لهم بالنصر.
@ تعرف ايش معني قصيدة شعرية؟
ايه ..دايم اسمع جدي يقول شعرا.
@ وش آخر كلمة تقولها؟
اتمنى التوفيق.