كلام للي يفهموه !!

@@ ثلاثة في عيون العدو ياجاكسون بيه.
@@ هم ناقصين يامستر جاكسون علشان تفجعهم باهرتك مرة واحدة.
@@ الرئيس اكد صحة نظريته الثاقبة والآخرون بدأوا يتجرعون مرار الهزيمة.. الله يهديهم متعودين على الهزائم.
@@ صراحة قلبي معاكم.. صايرين تكسرون الخاطر.. تبوني اصير معاكم حتى تفوزون.. تراني جاهز والله اقلب الطاولة..!!
@@ يا الله انا (القنكم) علشان تردون على جاكسون قولوا حتى صلاح المولد سجل هاترك.. بسيطة شو صار.
@@ شوفوا ايش صار لكم الا تقولون ان السلة كانت تنافس على بطولة الدوري والحين مكانك سر.. اطلعوا من القدم ومن اليد مالكم نصيب او تدرون قولوا ان لعبة الجمباز كانت موجودة بالاول في النادي وادارة النادي مهملة والغت اللعبة.
@@ او عندي لكم فكرة قولوا ان ادارة الخليج فرطت في هاني السالم وجابت واحد علة مثل جاكسون ومن قبله فرطت في علي مطرود.. اوه نسيت المطرود رجع للخليج وين تروحون.. الدنيا منسدة معاكم.
@@ لا لا لا عندي لكم خطة ما تخرش الميه قولوا ان المشرف الحالي فاشل لأن فريقه يصارع على البقاء.. يا الله نسيت ان الخليج ينافس على الصعود.
@@ لا لقيتها قولوا ان علي المشامع وفوزي الباشا ضد النادي ياالله نسيت ان الباشا تبرع بتكاليف نقل الجماهير لحائل والمشامع قال ادارة نادينا وفية..!!
@@عندي وحدة قوية ضد ادارة ناديكم بس فكروا فيها تراها واضحة فكروا شوي فيها..!!
@@ تدرون مالكم الا تقولون ان رئيس اتحاد اللعبة هو الذي تسبب في خسارة الاهلي في الآسيوية يمكن هذي تضبط معاكم لكن تراقبوا تصريح (دحمي) فقد وضع النقاط على الحروف... صدقوني ان التصريح عندي بس.. (...)