مصيبتي

مرثية في شقيقتي غفر الله لها وجبر كسر قلوب أبنائها ...
==1==
مصيبتي يا وين أبلقا دواها==0==
==0==مصيبةٍ صبّت عليّه بلاها
هذا قدر قلبي وهذا نصيبي==0==
==0==ومقدرات العبد لازم يراها
اليوم زادت في ضميري همومي ==0==
==0==يومٍ رأيت اللي سأل مالقاها
طفلٍ صغير وقمت أجاوب ونينه==0==
==0==يبكي ويسأل ماعرف ويش جاها
يقول يمّه ليه ماتسمعيني==0==
==0==مايدري إن الموت منهم خذاها
وماهو لحاله له خواتٍ ثلاثه==0==
==0==وحده كبيره وآمنت في قضاها
ماشفتها تشكي ولايوم عانت==0==
==0==سبحان منهو بالرزانه ملاها
وثنتين من تطري عليهن أراهن==0==
==0==في عبرةٍ من شافها مانساها
مصيبةٍ جتنا على حين غره==0==
==0==وأستغفر الله كيف قلبي قواها
قلبي عليها صار بالهم مدفون==0==
==0==كل المآسي والمصايب حواها
والعين تذرف دمعها من قهرها==0==
==0==هلّت دموعي وأنضب الحزن ماها
وأخذت أخايل مزنتي يوم لاحت==0==
==0==وأذكر غلا منهي ذبحني غلاها
لامن طرت لي ضاق كوني بوسعه==0==
==0==كن الكواكب ضايقه في سماها
بذكرك يامن لك عيوني سكيبه==0==
==0==والرجل يبكي غصب لو مابغاها
وجدي عليها وجد من له جماعه==0==
==0==كانو عصابة راسه اللي قناها
جارو عليه وشد والضيم حاديه ==0==
==0==بأرضٍ خلا محدٍ من سنين جاها
واليوم جالس في محله لحاله ==0==
==0==وأصبح وحيدٍ والمصايب رآها
وأصبح يعاني جور وقته وربعه==0==
==0==وبلواه يصعب حلها لوشكاها
يالله ياربي عليك إتكالي==0==
==0==ياعالمٍ نجوى العباد وخفاها
طالبك ترحم من لها القلب طايع==0==
==0==تغفر لها زلاتها مع خطاها
يالله تقبل دعوتي وإستجبها==0==
==0==دعوة فقيرٍمن صوابه دعاها
يارب سكنها بجنات فضلك==0==
==0==وأنزل عليها المن لين يغشاها
والقبرياربي توسع لها فيه==0==
==0==ونور بنورك قبرها مع ثراها
وإفتح لها من جنة الخلد طاقه==0==
==0==اتونّس الوحشه على من خشاها
يالله خفف ياإلهي صوابي==0==
==0==ياعالمٍ نجوى العباد وخفاها
وختامها يامن قريتو قصيدي==0==
==0==إدعوا لها الرحمن يدمح خطاها
==2==