اللغز

كان كاتب اللغز الماضي الشاعر رشيد الفريدي من بريدة ويقول:
انشدك منهم ثلاثه وامهم وحده
وعيالها كل واحد جاك من ديره
واحد خوي للنشاما شيخ مابعده
وواحد وسط غالب شره على خيره
وواحد ردي يحرص العاقل على بعده
يوطى على صابره من قل تقديره
وقد توصل للحل شعرا:
يا مرحبا بك عدد من يسكن ابجده
وعداد ما يصرف السوري من ليره
الأول الطيب يا حظ الذي مده
والثاني النار دخانه وتأثيره
والثالث اللي يخرب كل من شده
سجاير تهلك الانسان وتثيره
علي رشيد الرشيد - رياض الخبراء
يا طيب لغز الفريدي واللي معده
اللي كتب بالجريده من هل الديره
النار والطيب والدخان ما ترده
والثالث ابعد عنه يا طيب السيره
محمد ابو دحيم -البدائع
اللغز ياصعب صعبه بس انا قده
واللي يحل اللغوز يحطه بحيره
هذاك دخان ابا اكشف ياولد سده
للنار والعود والثالث لتعميره
احمد بن ناصر المحرج - الرياض
لغز الفريدي لفانا وحده بوحده
حله صعيب وحنا فيه في حيرة
اجيب حله على التوقيت في وعده
الطيب والنار والدخان تحذيره
فالح غازي الحربي - رياض الخبراء
العود الازرق الا ضيفك شبه وبده
العود الاصلي ابدلا تشتري غيره
والنار دخانها ما تقدر اترده
ما هو خطيرن ولا يضر تاثيره
اما التبغ من وقعبه حيله يهده
الي وقعبه ترى يا صعب تحريره
سعد صنهات السهلي - الدرعيه
لغز الاسبوع
يكتبه للصفحة الشاعراحمد بن ناصر المحرج من الرياض ويقول:
الا ياويش بنت مع ابوها صايرين اصحاب
ابوها في قفاها وان بغت درب صعيب تجيه
تدخش في صعيب الدرب هذي حالها ما تهاب
وابوها وان بغى يسلك دروب البنت ما تواتيه
تجيب البت له بنت وتطردهم بدون اسباب
ابي رمعه تصيب اللغز في مقتل ولا تخطيه
نستقبل الحلول على البريد الالكتروني
rb-khozama@alriyadh.com
أو الفاكس 014871070
كما نرحب بطرح الألغاز الجيدة
وننوه بعدم المشاركة الازدواجية بين اللغز وصوت الصورة واختيار احدى الزاوتين.