اللغز

كان كاتب اللغز الماضي الشاعر سعد صنهات السهلي /الدرعية ويقول:
الا ياويش رجلينن ترى بلونين مختلفين
يجي وقتن من الاوقات يلزم شوفهم تثبيت
ترى الله قال يلزم شوفهم وتشوفهم بالعين
مهوب اتظن بالهقوه بعد وتقول انا ظنيت
وقد توصل للحل شعرا:
هلا حييت ياللي جاب لغز بالخزامى زين
هلا بك ياسعد صنهات وارحب يابعيد الصيت
وحل اللغز واضح وارمع انه شوفة الخيطين
اذا فرقت الاسود هو والابيض صاموا اهل البيت
احمد بن ناصر المحرج - الرياض
هلا يامرحبا بك ياسعد والحل هو الخيطين
الابيض هو والاسود من الفجر ياصاحبي توقيت
في هذا الوقت تستغفر من ساع تشوفهن بالعين
ترى وقت السحر ياحظ منهو يطلب التثبيت
محمد ابودحيم - البدائع
الا يامرحبا بك ياسعد تعداد شعب الصين
وعدد من صام او صلى وعدد من اعتمر للبيت
وحل اللغز ياصلكم على الايميل يا الغالين
و خيطين الفجر لا بانت ترى الامساك به توقيت
علي رشيد الرشيد - رياض الخبراء
سلام الله عليكم ياسعد لغزك يسر العين
وهل خزامى الصحارى دايم معنى على التوقيت
لقيت الحل هو خيطين قبل الفجر يوم يبين
و على الاسلام حمد الله لا من صمت ثم صليت
طلال الرشيد - الجبيل
انا قريت لغزك ياسعد فيهن عدد بيتين
مادام الصبح متبين نشوفه دوم برا البيت
ترى اسمين مختلفه تجي للشوف في لونين
خيط ابيض وخيط اسود عساي للغزكم حليت
فالح غازي الحربي - رياض الخبراء
نرى الخيطين الابيض هو والاسود رؤية بالعين
.فلا تقديم ولاتاخير ولاشك ولا تفويت
كلام المصطفى واضح لقد بلغ أمورالدين
عليه أصلي كل ما طرو لنا ذكره وإذا صليت
عبداللطيف الحُمَيَّانِي - عنيزة
لغز الأسبوع
يكتبه هذا اليوم الشاعرأحمد بن فهد الصميت ويقول:
أنشدك عن ورعٍ ملازم لأمه
تبدأ حياته يوم ياخذ منها..
ولا ينفع إلا لين يمشي دمه
وإن قال كلمة خطوته تضمنها..