عواكيس

* الناقد الاعلامي الأمين معوكس هل تتوقع تحسن الوضع الرياضي وننعم بالتطوير وتطبيق النظام.. والا تستمر الفوضى.. خبرنا ياحلو؟
بندر العنزي- الجوف
- تستمر الا ان حلوا لجنة المغردين اللي قررت في الليل ومحاه النهار!
* تحياتي لك يامعوكس لو كنت رئيس لجنة وش أول قرار تتخذه خصوصا اذا كنت من فئة الخوافين او المتعصبين؟
راشد الدوسري- الخبر
- والله عقب القرار اللي ألغي ومابعد جف حبره أستحي على وجهي وأتفرغ للتغريد!
* الحبيب معوكس دائما توقعاتك في الصميم.. قلنا متى يعود الطائي والجبلين لمقارعة الفرق الكبيرة.. وبعدين ماتتفق معي يعسكرون في اوروبا؟
ناصر العنزي- حائل
- أشوف صعبة لو يعسكرون فوق سطح القمر!
* العزيز معوكس بعض اللجان (معاهم معاهم.. عليهم عليهم) وش السالفة وين الحزم والثقل وتطبيق القرارات من اجل المصلحة العامة؟
فهد الناصر- الرياض
- وين الحزم شفه في الاولى يتندح!
* تحياتي ووافر احترامي لك يابو العواكيس.. هل انت مع الميزانية المفتوحة في الاندية ام لك رأي آخر.. نورنا ولا تستحي؟
احمد محمد- جدة
- مايحتاج أنوركم ماشاء الله أنوار الملعب الجوهرة مابقت شي!
* الاستاذ معوكس خبرنا عن لائحة الانضباط وكيف يتم التعاطي معها.. ومتى تتحرك اللجنة طال عمرك؟
سعود الفهيد- الدمام
-يتم حسب لون الشعار والشال القديم!
* عساك استمتعت بنهائي الكأس يابو العواكيس .. أهم شيء لاعبو الفريقين ماكدروا خاطرك وعسى اعجبتك خطة المدربين؟
عبدالعزيز الفهد - الرياض
- أكيد استمتعت وماقصروا الشباب والاهلي كانوا في الموعد!
* تحياتي لك يامعوكس وش رأيك باللي اعطوها العضوية وآخرتها قامت تحش البلد واهله وصارت تتريّق على الانظمة.. يعني شينة وقوية عين؟
نورة العبدالله- تبوك
-اصلا ماحدن درى عنها ومن شافك ياللي في الظلام!
* ياهلا ومسهلا وصباح النور يامعوكس.. صحيح انك مليت من الكورة.. طيب الله يرضى عليك بطّل الانشغال بالصفحة وارتاح في بيتك؟
يوسف الرشيد- الرياض
-ابدا اللي مايتحمل ومل وكره يقعد ببيته أصرف له أما انا فقاعد على قلوب بعض الناس ومامليت ولاعندي نيه!
* الاخ معوكس هل تتفق معي ان ميسي ورونالدو وبيل في آخر حياتهم سيقضونها في الملاعب السعودية.. ياليت لو يجون تشليح عشان نشوف الفن الكروي على اصوله؟
بندر الخالدي- الدمام
- اي والله نشوف الفن الكروي ولا ذا اللي يوطون الكورة وخذ يانبراش يخلي المفصل تشليح!
* ندعوك ياخ معوكس لحضور الجمعية العمومية لنادينا علما بأنه لم يتقدم أحد لكرسي الرئاسة والسبب ان الميزانية مغلقة ولا فيها ريال واحد.. يقولون انك ملياردير تعال وقّع العقود وابشر بالخير؟
محمد الشمري- عرعر
- بعذرها مغلقة بلا من كثر العقود لكن الوعد آخر الموسم أن تشوف اللاعبين ووكلاهم عند ابوبرقان كنهم في سرى خباز تميس!
* الناقد الكبير معوكس ودي اعرف ليش اللي كانوا يدافعون عن رئيس الشباب انقلبوا عليه.. صدق مالهم خاتمة؟
سعد الثبيتي- الطائف
- انقلبوا عليه اكيد فيه شي حدهم على الرصيف!
* الاستاذ معوكس صحيح فيه اعضاء ادارة نادي يهاجمون الرئيس باسماء مستعارة، ويوم كشفهم قلبوها مدح واشادة بعمله.. وش تقول عنهم؟
محمد الدوسري- الدمام
- اقول أعقلوا وبطلوا حركات مالامها داعي!
* قاهرهم وحابس دمهم ابوالعواكيس
تحية طيبة وبعد:
بصراحة من الخاسر الاكبر بعد فوز الشباب على الاهلي وتحقيقه لكأس خادم الحرمين الشريفين أشوف الاهلي ابدا ماخسر
أحمد الحمد-بريدة
-ماغيرهم الربع في اللجنة إياها!
* صاحب المليون رسالة الناقد الساخر معوكس
تحية طيبة وبعد:
متى تتوقع ينتقل الفريدي بعد ماطاب خاطره من الاتحاد
بندر العصاي - عنيزة
- اذا لقوا الجبرين وفضا له المخبأ السري!