صوت الصورة

البطة اللي حدّها تدرك العوم
فوق الأرض وسط البحور الغزيره
جاها القدر والموت يا ناس محتوم
بالجو من راعي المخالب شطيره
أرزاق من والي السما دايم الدوم
قسّم أقوات الخلق ناسه وطيره
خالد ناصر المخيمر - روضة سدير
الله اللي وقعك وأنت مفتول الجناح
لين صرتوا في يدي ولا فيها نجاه
لو علي تلتفت ثم تشهر بالسلاح
اعتبر نفسك مودّع مفارق للحياه
عبده أحمد الشمري - الخرج
الحر ما يخفى على الناس معروف
والخرب لا شافه تجيه المصيبه
في سرعته معروف والفكر موصوف
وما يترك الصيده لزومٍ يجيبه
عند العرب ما هو خافي ومألوف
يضرب به الأمثال ماهي غريبه
محمد عبدالعزيز الخنيفر - أشيقر
النسر صاد الفريسة من ظهر بطه
سبحان من يرزق المخلق سبحانه
حط التوازن لها في بيئته حطه
ما يظلم الناس في حكمه وميزانه
ليت البشر تاخذ الحاجه بلا شِطه
سبَّت طمعها التوازن زاد عدوانه
أحمد السمحان - الزلفي
يا وزةٍ طارت على عالي الجو
تبي المرح في جو رايق وخالي
هوى عليها جارح مهويٍ تو
يضرب فرايس ما يخلي توالي
ما عاد ينفع نعقت الوز لو .. لو
لو كان جابت جهدها بالمجالي
حمد عبدالله الوايلي - حوطة سدير
قالوا قديمٍ كل مطرود ملحوق
مثال يضرب من قديم الزماني
شفته بعيني يوم سابق ومسبوق
فالصوره اللي صوتها ترجماني
سجدي دخيل العتيبي - الخرج
النسر غاير على الغرنوق
يبغى يشيله ابمخلابه
النسر يبغى الفريسه فوق
والرّزق من عند جلابه
عبدالكريم عبدالرحمن السلوم - القرائن
طير البحر جاه سوء الموت
العقاب الأسود تلوابه
حلف عليه ما يسير الفوت
والموت من رأس مخلابه
يبى يغديه السمك والحوت
ولاّ تعشاه بالغابه
شجعان سعود المقاطي - الرياض
الطير بالمخلاب صاده وشدّه
وفي الجوّ حلّق ثم رده وجابه
جابه على جنب ومن ثم حدّه
وأفرد جناحه ثم عوّد وصابه
الطير لامن حام من هو يردّه
بين الطيور الله عطاه المهابه
عثمان إبراهيم الرشيد
- الرياض
الحر غالي كلنا دوم نغليه
لا جا بوسط الجو يعجبك شوفه
لا من بغى الصيده صعيبٍ يخليه
ما يتركه في لحظةٍ هو يلوفه
فيه الوفا معروف من أجل راعيه
حيثه على الصيدات صعب وصوفه
ريان محمد الخنيفر
- الرياض
طير البحر عوّضك عن صيدة البر
مدام وقت الصيد ما زال ممنوع
المخلاب فالصيدة مع الجو شنكر
تقول مسمارٍ ضرب له بمربوع
الطير أظنه من الفوارس تحدّر
صدره عن السيقان من الوجه مرفوع
سعود عبدالعزيز الهزاع - نعام
لا والله اللي صادك النسر يا طير
وزعجت من كسر الجناح الصياح
في موقفٍ أقل وصفه خطير
ياسرع مالك في وطى الارض مطياح
غاب التكافي واقتربك مصير
والجارح المنقض شك الرماح
سعود عائش الحربي
- القاهرة
أشوف صورة وزّ متعلين فوق
والنسر من خلفه ولا فيه فكّه
لو إن وزنه زايدٍ حيل ما يعوق
امن النسر مصيود مافيه شكّه
متعب دخيل الله العتيبي
ما انته حبشي يفرش الظبي والوعل
انته من اللي يفرس البشْ والحوث
يهوي على الصيدة ويتلّها تل
مهوب مثلك يا ابرق الريش هلفوت
تركي الوقداني
يا حايمٍ فوق السما
شاكيٍ جوع وضمى
راسك من العليا روى
ما يوم طمّن وانحنا
رزقك عنالك وانثنا
لا ترحمه.. يومه دنا
مشعل المشعل
صورة العدد السابق
نرحب بمشاركاتكم الشعرية وما تلتقطه
عدساتكم من الصور الهادفة والطريفة..
على إيميل الخزامى:
rb-khozama@alriyadh.com
أو الفاكس رقم: 0114871070