صوت الصورة

شد الظهر وأطلق سواعدك للطرد
واكسب رهان السبق بارضٍ فلاتي
نجداً عسى حيفانها ينقلب ورد
يرتع بها صيد المها والقطاتي
سعد الحماد - روضة سدير
أرنب من خوفها ذارت وخافت
والسلوقي ناشبٍ ف اقطابها
مالها حل ولو دارت وحارت
مقتفيها الموت وجا طلابها
صالح عبدالعزيز السويح
كلب سريع مدربينه على الصيد
وقت القنص مستانس صدر راعيه
يا زين طرده بالسهال الجراهيد
صيد الأرانب غاية اللي مربيه
عقلا خزن العنزي - تبوك
يا زين خلف الصيد ركض السلوقي
بارض عزاز أو بين رمل وجالي
لا نفَّج الصيده ولو كان لوقي
نوب وطاه.. ونوب طوَّح شمالي
عبدالكريم النغيمشي - الربيعية
تكفين يالأرنب ترى الموت حاديك
مدي خطاك.. ولا تلدين يمّه
عليك بأقرب جحر.. خشي بأياديك
خليه يخجل لا رجع يم عمّه
لطيفة محمد العبدالرحمن
أنا أركض لجل نفسي
ولا تعد الأمر قاضي
لنجاتي أبذل بما وسعي
وإن صدتني بالقدر راضي
سعود عائش الحربي
الأرنب اللي تراوغ تبغي الفكه
شفت السلوقي وراك وناوي بشري
عجّته ثارت ولا ظنيت به شكه
ويا عنك والله على شرواك متضري
ماضي رشيد القباني
يالأرنب المذعور بالموت مخطور
رماك حظك بين رمل.. وسلوقي
لو كنت في وادي تتقيت بصخور
وإلا لجيت بغار بين الشقوقي
فهد بن عقيل الطويان - بريدة
يا ويل الأرنب من غثا الكلب ويلاه
اللي مع الدرب الطويل ايحداها
تبغى المفر والمشكلة وين تلقاه
لا والله الا صادها يوم جاها
فهد مطر المخلفي - قصر ابن عقيل
ما ضنّي الأرنب المطروده أتعوقي
في رأيي الشخصي اللي بان مضمونه
على القوانيص دام الطارد سلوقي
يا قرب حنجورها من قبضة سنونه
سعود بن سعد الحافي - الرياض
وقف تراني ميت من عنا الجوع
يالارنب الهارب بوسط الصحاري
اسبوع ما ذقت اللحم غير جربوع
وأنا مضريها بروس الحباري
حسين القفيلي
روح تراني وراك ولا بها شكه
والله لا اصيدك من اول وتالي
مشيت متسيّد.. أو متعرج السكه
مصير راسك يجيني يا بعد حالي
نايف حمود النافع - الزلفي
لانتهى دور البنادق ابتدى دور السلوقي
من يوقف هالسلوم اللي نشوفه زايداتي
راحت البيئة علينا وهذا مثله كم يعوقي
والتكاثر هو هدفنا حيث منه الفايداتي
محمد بن عبدالعزيز الخنيفر - أشيقر
ملحوق لو جبت طبلونك
مالك مفراً من اللي جاك
يا جعلهم ما يصيدونك
واتعود البيتك او مرباك
عبدالكريم عبدالرحمن السلوم - القرائن
نستقبل مشاركاتكم الشعرية على الفاكس رقم khozama@alriyadh.com 4871070أو ايميل الخزامى: زاوية: (صوت الصورة).. وياهلا..