الغلا هو الغلا يا أهل الغلا فوق الأرض وإلا على هام السحاب والطيور الجارحة رغم الجفا ما تخلي العشق لو جاها العذاب شوف منظرها وهي بجو السما صورةٍ يا صاح منها القلب ذاب خالد بن ناصر المخيمر الجارح اللي يرتكي للمهمات له لعبةٍ بالجو محدٍ لعبها كنه (فيليكس) اللي تهور ولا مات باسه شديد .. والطرايد تعبها سعد الحماد الطير شلع بالهوا يطرد الصيد يبي الفريسه قبل ما يظلم الليل فك السبوق اليوم فكه مع الحيد وقت القنص يا صاحبي طلعت سهيل عبد المحسن بن محمد المحيسن فالجو للطيرين خرب وحمامه والكل علق صيدته فالمخاليب من هد ذا الاحرار يبشر بإيدامه يذكون ما صادوه مثل القصاصيب وأظن لو ما فيه لشي علامه ان الفرايس مطيرة من ظهر جيب سعود بن عبدالعزيز الهزاع طير السعد طيراً بعيده هقاويه من ماكرن معروف عند البوادي شاف الحباري وأطلق الحر راعيه وقت البراد وزان وقت الهدادي مستانسٍ راعيه وقت القنص فيه يرمي عشا راعيه شيٍ وكادي عقلا خزن العنزي راع الولع يطرب على هدّت الطير لا فز وتنهض وشاف الحباري ! لا من لحقها ما تعوقه معاسير حرًّ على الهدات والصيد ضاري ما كنه إلا لا ضرب سالم الزير وراعيه في فكسار ولا سفاري عبدالله بن عبود السهلي لا جاء نهار القنص وأهل الهوايات تشاهد القناص في كل ديره وأهل الصقور اللي تشوفه زرافات كله من أجل الصيد بأكبر مسيره محمد بن عبدالعزيز الخنيفر الموت بعيون الحمامه تشوفه في مخلب الشاهين يشدا لسياف تبي لها بيرن تتقا بجوفه وكم مرةٍ شفته بضرغط والارياف وقلبي كما طير الحمامه وصوفه ودنياي شاهينٍ سرد يا ابن نياف عبدالكريم الراشد التميمي لا واعذابك يالحمامه على وين جاك الصقر صياد خرب الحباري اقبل يباري صيدته ينظر بعين يبي يصيد موقت في المحاري والبارع الي التقط صورته زين عزالله انه ناجح في اختباري حمد عبدالله الوايلي حمامٍ علا فالجو لحقه وليفه يا ليت لي مثله جناحين واطير وابعد عن الشرّع حوادث مخيفه وأفتك من ساهر واماشي الطير الطير فالمشوار يبعد رفيفه وفي لحظةٍ يقضي جميع المشاوير عبدالله بن فهد الشريف يا صقر من قدك ومن ذا يجاريك مضمون صيدك يا صقر لو هو اضناك يا ليتني يا صقر مثلك واباريك واصيد مثل اللي تصيده بيمناك عبد الكريم النغيمشي صورة العدد نستقبل مشاركاتكم على إيميل الخزامى : [email protected] أو الفاكس رقم: 4871070 ونرحب بما تلتقطه عدساتكم من الصور النادرة والطريفة
