شبلٍ يشيل الصقر والطير معتاد له خبرةٍ بالصيد بانت مواريه يبرد قليب صويحبه كلما صاد عينه تراعي له وجيبه يباريه سعد الحماد - روضة سدير الطير يبغى يالصغير سعة بال وقفراً له مع الصيد ونس وطراوه وخوة نشاما وانت نشمي ورجال لكن طالب درس ما من فضاوه عقاب بن سقيان العتيبي - الجمش اشيل طيري على يدي وانا طموحي بطل طيار الجيب واقف ومن قدي اغنا من اللي معه مليار سعد جاري شف الولد حامل على الكف له طير رياضه ونفس الوقت تعطي الخشونه وقت الهدد ما هوب حكراً على الغير للكهول.. والشبان.. واللي يبونه سعود بن عبدالعزيز الهزاع - نعام يالربع انا اشتقت للمقناص شفت الفتا ماسكنٍ طيره لكن انا ابا اشتريلي شاص وابا اطلب الرب فالخيره غازي قاعد السليس اعجبتني يا ابرق الجنحان واعجبني اصغيراً شالك ومن خلفه الجمس سوبربان تسلم ويسلم لي أمثالك سعود عائش الحربي - جدة يا صغير السن يا اللي على كفك وحش والدك يبغاك تطلع مطاليع الحرار ابتعد عن مجلس اللي يحطون الكدش وارسم لمستقبلك خط وارسملك مسار مبارك عبدالله الدوسري الحر الأشقر طاح في كف صقار حراً تحدر من شخانيب قاره ثم صاده اللي فاهمن كل الاحرار يكفيك عن مدت يمينه يساره عبدالله بن رويفع الثقفي يا مغيم الفيكسار ومبرقع الطير والجو روعة بس وين الحباري؟ صقار لكن توك على الصيد يا صغير واحذر يضيع الصقر وسط الصحاري محمد سعد القريشي - الخرمة يا طير يا اللي ساكن باعلى الاوكار حراً شهرت الحوم فوق المراقيب اليوم ما تفرق مع صغار وكبار مكتوم حريه تشوف المعاذيب حمد عبدالله الوايلي لا ..لا تولع بالقنص والبراري توك صغير السن توك صغيري الجيب جنبك ثم طير الحراري الطير هده ثم خله يغيري عبدالمحسن بن محمد المحيسن الطير يا محلاه في كف رجال راعيه يفخر به بكل النواحي يا زين شوفه ما يجي مثله أمثال تلقى الحباري من فعوله طياحي نواف بن محمد الدوسري - الأفلاج يا طير لك فالقلب حشمه وقيمه وبالصوره اللي عدها بكر هذال يا بكر هذا الطير شوفه غنيمه هذا كلام الصدق يا طين الفال سالم بن مبارك الصخابرة - البديع يا ولد تراك هيضتنا بالمقناص وكنا من زمان ناسينه قرب العزبه.. وجهز الشاص والصيد بصقر شاهين ناوينه نايف راجح المقاطي - الرياض الصقر اللي على كف صقار مبرقع ولا بعد فكوا اسبوقه تراث.. ورثوه كبار لصغار صار الصغير حب القنص في عروقه محمد سعد القحطاني الجيب واقف والنداوي بيهناه وبيّن عليه لهدّة الطير مشتاق ولا ينقصه ياكود للجيب سواق لانه صغير جعلنا ما عدمناه نواف علي السويدي - حائل يا صقر ياللي شايل الصقر بيديه قل لي تراني اجهل القنص يا فلان قل لي على وقت الحبارى وانا اهديه حراً عزيز القلب للصيد شفقان أحمد بن عبدالله الحماد - ثادق صورة العدد الماضي نستقبل مشاركاتكم الشعرية على الفاكس 4871070 أو الايميل الخاص صفحة الخزامى: [email protected] زاوية (صوت الصورة) ونرحب بالصور الهادفة والطريفة.. ويا هلا
