الطير هده لا كفخ يلمح الصيد يشوف شي صاحبه ما يشوفه يبى يدلك للحباري ملابيد من عقبها ما عاد تبغى النكوفه شجعان سعود المقاطي - الرياض هذا أشقراً ما ينقله كونه صقار بديارا حباريها المدور ذكرها أشقر وكن أطراف ريشه لهب نار أما نطحها نطح ولا دبرها راشد بن سيف الدوسري - الهدار أشقر الجنحان هو طير الحباري منوة اللي يوم مد وأقنصوبه كاشفين برقعه مع الصحاري رافع الحنحان والمنظر أعجوبه صخري مفرح العنزي - تبوك الطير للتصوير فكوا سبوقه أما على ملواح وإلا حمامه ويالله على مزن تلامع أبروقه يمطر على سنار ورجم النعامه محمد بن عبدالكريم الشايع - بريدة الطير خله يروح بعيد فكه ولا تقظب اسبوقه خله يعانق رجوم البيد يمكن تعالجله افتوقه منير متروك المطيري - الجبيل الصناعية تراك يالشايع شعيت الصقاقير بالصوره اللي في خزامى الصحاري فكيت طيرك للعشى حزة عصير على لحمةٍ قصاب ولا قماري عبدالله بن دواس - ساجر الوقت برَّد وزان الصيد والطير يكفخ يبا الهدَّه طيرك أسنافي سمي أعبيد والله يستر من كفختن مالها ردَّه عبدالكريم عبدالرحمن السلوم - القرائن رفّع جناحينه يطير متشوقٍ يبغي الفضا كفّه على الصيده خطير راع الصقاره به رضى سعود بن عبدالعزيز الهزاع - نعام يا طير لو تكفخ تفل الجناحين تبغى الهدد بجو نادر من الصيد واحسرة اللي ينتظر له زمانين مفتون قلبه وأتعبه صحصح البيد حمد عبدالله الوايلي - حوطة سدير الطير توه زمته مع هداده في كف صقاراً بمطلع شبابه الصيرمي في مخلبه حلو زاده والحظ كل يمتني فتح بابه سعود عائش الحربي يا طير يا للي فوق كف المدرب أكفخ بجنحانك ودور على الصيد طير الرهو لديارنا صار مقرب وطيور الحبارى بالشغايا ملابيد خالد بن ناصر المخيمر - روضة سدير بيتٍ سمعته على راس الهرم باقي بلسان حامد سمعته هيض شجونه (لا هدوا الأشقر اللي فيه مسباقي لا شافه الخرب جوه يختلف لونه) عبدالكريم النغيمش - الربيعية سهيل بان وزان وقت المراويح يم الفياض اللي بها البال يرتاح بعد القرنسة وتلويح الملاويح الطير مهدوداً والصيد منتاح نايف ابراهيم زيد الشثري - حوطة بني تميم اكشف عيون الطير وأطلق أسبوقه وخله يطير ويرتفع بالسماء فوق طيراً يدور صيدته لا تعوقه والناس قالت كل مطرود ملحوق زبن مقبل العنزي - بريدة أطلق جناحيني وأفرد الريش وقت ما ينعرف وسمه من سماك الصيد قل وما تفيد العاميش ودي ابدل صيد الحباري بالأسماك سبيتان شرار العنزي - بريدة نرحب بمشاركاتكم الشعرية حتى مساء الاثنين على الفاكس رقم 4871070أو الايميل الخاص بصفحة الخزامى: [email protected] زاوية: (صوت الصورة).. ويا هلا
