صوت الصورة

شرف الصقر واقف محبه وتبجيل
ومروّضه يلقي عليه المهمّه
عشره طويله بينهم تدهش الجيل
متفاهمين وبين الأجناس قمّه
علي آل زولان الفيفي - بيشة
الصقر لا صاد يا الصقار
احرص لى ريش جنحانه
ولا صار يومٍ كساه غبار
خله على الوكر مسكانه
شبيب حمود القحطاني - المزاحمية
يا اليوسفي وفقت في لقطة الصوره
ارض.. وصياداً.. وصقراً معه صيده
شوف الخلا ما هي على البدو مقصوره
مع سجّت الرجلين برضٍ جديده
سعود عائش الحربي - القاهرة
يا راعي الطير وين الناس
وين انت ناوي الهدد يمّه
ترى القنص مجلي العوماس
ويفرّج الشخص من همّه
مبارك بن محمد بن طرجم - وادي الدواسر
الطير قدره عند راعيه غالي
وترتاح نفسه عندما قام يدعيه
يدربه ويسوق فيه الريالي
ويحرص عليه وكل يومٍ يراعيه
سلطان سعد السهلي - المجمعة
ارتاح مع طيري مع الصيد واغليه
وانا على المقناص دايم هواوي
يومٍ به الرحله مقدر اخليه
من حبني له دايمٍ له مخاوي
محمد بن عبدالعزيز الخنيفر - أشيقر
حييت يا قناص يا هاوي الصيد
فرخ الحرار تدربه للهدادي
يفز لشفوتهن ولوهن ملابيد
ويكفخ بجنحانه نخاه المنادي
خالد بن ناصر المخيمر - روضة سدير
الطير جايب له الصيده
وامشنكوه في مخاليبه
واليوم ذا صايراً عيده
يشب ناره وأباريقه
عبدالكريم عبدالرحمن السلوم - القرائن
الطير فكه لا تعكر مزاجه
خله يروح ومخلبينه تعشيه
يا معلفه ما لك بمسكته حاجه
ما دام قل الصيد وش ينبغا فيه
نايف مشواح الشمري - الرياض
ذا الطير وش قصته يا ناس
فالفخ نشبت مخاليبه
صقارنا يا صليب الراس
هو باز والا فيحري به
مشاري الغنام - ثادق
أرفق على الطير يا صقّار
يعجبك لا جات حزّاته
حرٍّ ليامن كفخ ثمْ طار
جاب ابرق الريش لو فاته
زيد بن ماجد بن مرعيد - الرياض
عز الله القناص طيره مسلٌيه
في خوٌته نوماس وسط الصحاري
ماهو صياده يوم.. ويومٍ يخّليه
يركي على راعيه.. نتف الحباري
سعد الحماد - روضة سدير
الصقر عيدان صياد الحباري
مدربه راعيه قدام القناصه
لة مخاليبٍ مثل حدب الشباري
ينطلق لاشاف صيده كالرصاصة
احمد نايف العصيمي - الرياض
ذكرتني يا طير في ماض الأزمان
يوم الحباري بالحنيه مقافي
يومٍ عمي شايلك فوق شرفان
زين الركاب اللي عليه الجرافي
مخلف بن سعيد الشمري - الأحساء
الطير ادربه أيّام
لعل للصيد يصدادي
اشقر واسميه غشام
مخلب ومنقار حدادي
مقرن بن متعب الهرف – الرياض
الحر الاشقر فارد الريش جوعان
ابعد بحومه عالي الجو ما صاد
وهوى على راعيه فحمٍ وضرمان
راح الزمان اللي بها الصيد اعداد
حمد عبدا لله الوايلي - حوطة سدير
ياللي دعيت الطير اسمع مقالي
لابد كل عصير تدعيه بالقاع
واشوف انا الرخصه بدت له ليالي
الحق على الباقي ترى وقتكم ضاع
محمد الأطرش - رياض الخبراء
ياللي مع الطير وقاف
هدّه على الخرب لاشافه
تشعربك الناس بالقاف
وتحوز مجدك من أطرافه
عبدالكريم النغيمشي - الربيعية
صورة العدد بعدسة الزميل محسن سالم
نرحب بمشاركاتكم الشعرية
ونستقبل الصور الهادفة والطريفة
على الايميل الخاص بصفحة الخزامى:
rb-khozama@alriyadh.com
أو الفاكس رقم: 4871070
زاوية (صوت الصورة)..