من اجل آل سعود نضرب بالأخطار

راضين يا خلاق في حكم الأقدار
ونطلبك تلهمنا مع الصبر سلوان
يالواحد المعبود علام الأسرار
يا منزل القرآن يا عالي الشان
يا خالق الجنات يا خالق النار
يا جاعل الدنيا بها افراح وحزان
تجبر عزا قلوب بكت والد بار
وتجعله في جنات روح وريحان
في جنة الفردوس مسكان الأخيار
وانت الذي في يدك تكوين الأكوان
يا مرجع اليعقوب يوسف والإبصار
ويا مجازي الإحسان يالرب بحسان
تغفر لمن سنة نبيك بها سار
ولخدمة البيتين ما يحسب أثمان
مات الفهد والحزن خيم على الدار
كل الوطن ينعيه شيب وشبان
عسى على قبره مهاطيل الأمطار
تغمده رحمتك من بعد الأكفان
فهد العروبة مكرم الضيف والجار
فعايله تبقى على مر الأزمان
تبقى لنا ذكرى فعل واف الأشبار
تاريخه مدون ويقرا بالأوطان
والمملكة في خير وفهوده كثار
سلايل العود الصميدع بليهان
صقر الجزيرة حر ورث لنا حرار
حكام والحكمة لهم ساس بنيان
واليوم ابو متعب مثل عذب الانهار
هو سلسبيل يرتوي منه ضميان
قلبه كما الحليب من در الأبكار
هوراعي الفزعات يا صرت حيران
وياكم شخص يشتكي الضيم محتار
يزبن ويطلع منه راضي وفرحان
وأمر على عدونا سيف بتار
ولينتخي بنوره كما نار بركان
عسى الولي يحماه من عين الأشرار
وتصبح بلدنا بازدهار وعمران
عز الله الحاكم عرف كيف يختار
منصب ولي العهد نصبه سلطان
سلطان صاحب جود ملفت للأنظار
وبسمته تبري روح فيها الكدر بان
متواضع بالحيل لصغار وكبار
كريم سبلا والكرم صار عنوان
حكيم عقل ويتصرف بالأفكار
مواقفه تملك دلايل وبرهان
سبة مرض ركبته من كثر الأسفار
يسعى لصالحنا سلايل كحيلان
من اجل آل سعود نضرب بالأخطار
ولا نهاب الموت لو موعده حان
وختامها صلو عدد نبت الأشجار
على الرسول المصطفى خير انسان