صوت الصورة

يالله ياجامع قلوب المحبين
تجمع قلوب حوير مع خويه
اللي رقدوا في الشمس طرب وفرحين
شقح تلاعب في رياض عشيه
ياراعي البل غذها للملايين
والاجمال فحول ثروه هنيه
مبارك محمد بن طرجم الضعاوين
وادي الدواسر
اقعد ترى شمس الضحى أحرقتني
وشلون يجيك النوم وعيني سهيره
دنياك هاذي يالخوي عذبتني
الام راحت والصحاري خطيره
ان غاب شمسه والذيابه كلتني
في ديرة الصمان واليد قصيره
حسين البادي
الرياض
الحوار اللي يناظر في خويه
منسدح عيا يقاوم للحراير
نايم والأرض من تحته حفيه
يحتري الفزعات من أهل البشاير
وينك ياالراعي ما ترحم شويه
تأخذ عندك وتكسب به براير
خالد بن ناصر المخيمر
روضة - سدير
حوير واخوه والقلب مهموم
يابن جبر قلنا الخطر بانتظاره
امه تقطع قلبها وصار مهشوم
الخوف من سرحان يفنى صغاره
الزول روح ولا هو اليوم مليوم
حيث المعزب غافل واخساره
محمد بن عبدالعزيز الخنيفر
اشيقر
وين رحت ياراعي الحيران
مسكين بتضيع حيرانه
حواركم بارك ضميان
والثاني مد ..كرعرانه
القيظ جاها ورى الصمان
كل يبي شوف مسكانه
شبيب حمود جلهم القحطاني
محافظة المزاحمية
انكان ابوه البعير اللي يقولون
ساوي ملايين ومعيي يبيعه
فيبشر وجته المكاسب شي مضمون
بس ينتبه لاتجي خطوطن سريعه
وياخذ الحذر من اعيون اللي بيرمون
لا تجيه عين على غرن تليعه
غنام مسعود القريني
نعام
باكتب لكم بيتين حلوات وقصار
واطرح لكم رايي بما شافت العين
صورة عدد حيران بيضان وصغار
يستاهلن لباس تاج المزايين
واعرض عليهن ظرف مختوم وشعار
وازيد عن فتح المظاريف بالفين
سعود سعد الحافي الرياض
حوار رقد وآخر جلس يدعي امه
عطشان توه منفطم عن حليبه
لو ابعدت ريحه على البعد شمه
ما ضيعه ريح الفياض العشيبه
جينات صبره ناقصات بدمه
والى إكملن ما خاب من يتخيبه
فهد بن عقيل الطويان بريدة
التحايل دون كشفه كم يحول
فلعل جشع غش بش وصدرة
خاطر المسؤول امست به تجول
بكرة التعميم.. جل حرره
وان سكتنا مشكلتنا تا تطول
من غدر بالسوا غدرة دمرة