نعشق ترابك وعين الامن من دونك سهيره

هبت رياح الصبا واسترسلت والطير غنا
واستعارت فرحة قلوب الجماهير الغفيرة
وكل غصن ٍ راوي ٍ قام يتمايل ويتثنا
في طرف روضٍ نسيم الصبح يلعب في غديره
الهمتنا صورة الماضي وبالله استعنا
وحان موقف كل شهمٍ وافيٍ حيٍ ضميره
البس ثياب الفرح والعز وافرح ياوطنا
واستعيد الماضي المشرق وواصل في المسيرة
كل عام بمثل هذا اليوم نسعد ونتمنى
ونرفع اصوات المحبة والولا من كل ديرة
هذا يوم العز والامجاد والصرح المبنا
والفخر والهيبة المسماة والاسما الشهيرة
يوم ذكرى خالدة ترقى وتبقى في زمنا
واستنارت في كيانٍ وحّده صقر الجزيرة
فيصليٍ من كويت العز للمصمك تعنا
يطعن نحور الفيافي مقدم ويشعب بعيره
ما استراح ولاعرف طعم القراح ولا تثنى
لين ثبت حكم جدانه هل الخيل المغيره
حكم الشرع القويم وعزز الامن وومنا
وسمعت اذان الاصم وشافت العين الضريره
وحد الصف وجبرنا بعد ماكنا وكنا
في ظلام الجهل وتغير العشيرة في العشيرة
تزهق الأرواح والهجمة ورى الهجمة تشنا
نجرع السم الذحاح ونشرب الكاس المريرة
قام ابو تركي يلم اشتاتنا منا ومنا
واتعب السيف المهند واتعب القبا الظهيره
ثم بايعناه بيعه واستوينا واعتدلنا
بيعةٍ بالدم مكتوبة ولا تعطى لغيره
الا من غيره عطيناه اعياله ثم رهنا
كل روح معرّبٍ من يردعه ما يستشيره
مع ملكنا سعود ثم فيصل وخالد ثم بذلنا
مع فهد واليوم عبد الله على نفس الوتيره
ابو متعب وارقب الفرصه على مدحه تسنا
الشجاع اللي مقابيس الرجوله في نظيره
الحكيم الوافي اللي دايم ٍ فينا ومنا
يفرح بوقت الفرح ويواسي النفس الكسيره
ينقل المصحف بكف وينقل السيف المحنا
ولا يضيع لطالب حقوقه ولو حبة شعيره
وابو خالد ما يراودنا بحبه اي ظنا
وكل لحظه نرفع يدينا عسى ربي يجيره
ولمقام النايب الثاني عقدنا فيه املنا
نايف الحر المحنك قايد الامن ووزيره
والوطن روح المواطن وان دعانا ما انتونا
كل منا فيه حب ٍ للديار وفيه غيره
والعدو تبت يده والله ليبطي ما وصلنا
وان وصل نلقاه بخشوم البنادق والذخيره
لو يصول ولو يجول ولو يزن ولو يحنا
والله انا انحط حبه في الرحاه المستديره
لا تعزوينا وقمنا والعذارا غطرفنا
واعتلى صوت الرمك والحرب قام يدق زيره
دون حد الدار ما نحتار وان قلنا فعلنا
انتباها بالفدا والموت نستنشق عبيره
اتحدنا صف واحد واعتصمنا واتكلنا
والعلم خفاق وسيوفك يابو متعب شطيره
نبنا ياسيدي وابشر بنا نخلص عملنا
وقفة ٍ ماهيب لا الاولى ولاهي بالاخيرة
انهضي ياديرة الخير لعزاوينا وحنا
نعشق ترابك وعين الامن من دونك سهيره
خلي جبالك ليا طالت ترد العلم عنا
بالولا المعهود وتعانق سماك المستنيره
نحمد الله كلنا في عز والشعب يتهنا
والمناطق كلها في خير والفرحه كبيره
ودام عز ملوكنا ويدوم عزك ياوطنا
وفي جنان الخلد باذن الله يا صقر الجزيزة
الشاعر - علي بن نايف الغامدي