حب وولاء

ليلنا ذا الليل ليل الفرح والاحتفال
أهل رنية كلهم يرفعون المشعلا
تعلن الفرحة سبيع الوفاء في كل حال
من قديم الوقت وسبيع تخلص بالولا
حضرها واشرافها والرجال أهل المقال
والمحافظ والمشاييخ وسط المحفلا
الولاء والحب نهديه نضربه مثال
والقلوب المخلصة في الطريق الأمثلا
بمقدم القائد مليك الوفا لاجا مجال
خادم البيتين عند الجميع أمبجلا
مقدمك سالم معافى تراهو رأس مال
شعبك الوافي سعودي يكن لك الغلا
الغلا وسط الضماير ولا في ذا جدال
الغلا والحب معكم يشد وينزلا
مرحبا في مملكتكم عدد وبل الخيال
والله ايحييك يا راعي الرأي العلا
ويا عسى ربي يجيرك من صدوف الليال
يابو متعب يا طويل الذراع الأخطلا
دام عز المملكة ونرفع الرأس امتعال
دامكم حكامنا المعالي والعلا
وانت ابومتعب مليك الوفاء ذرب الفعال
وانت ابو متعب مليك المحبة والغلا
وانت بطل للعروبة ليا مس الحبال
بالزعامة والسياسة تحل المشكلا
يالملك يابن الملك خيركم للناس طال
تعطي الجزلات ما هيب مدات ابخلا
المئة مليار مدتك من قبل السؤال
مكرمه للشعب لا قلت دايم تفعلا
كفك المبسوط ما ينقبض هذا محال
لو أردت القبض ما تستطيع الأنملا
المكارم عشقتك وهيا قالت لك تعال
المكارم في يمينك على ما تفعلا
منزلك بين السماكين والجدي متعال
في شداد المجد جيتوا على المجد وكلا
عضدك الأيمن على هامته تاج الجلال
تتبعه الأمجاد وتقيم معه وترحلا
كامل الشارات سلطان شيال الثقال
عاش سلطان الوفى بالجميل امجملا
ونايباً ثاني ونايف يحيل ولا يحال
ما يبالي بالمنايا يجيها مقبلا
يسقط الإرهاب بأمر الولي في كل حال
والمضل ومن يضله تراه مضللا
ياوطنا عشت والحاسد بعينه خلال
بالرخاء والأمن والحاسدين مغللا
والختام اعداد ما هل ودان الخيال
نذكر المختار رسولنا إلي مرسلا
* عضو المجلس البلدي بمحافظة رنيه