كل فرح بك يا سلايل كحيلان

الله يعزك يا وطن بد الأوطان
ويحفظك ربي من شرور المعادين
في ظل حكام لها الطيب عنوان
أخوان نوره بالمواقف سلاطين
أهل الكرم والطيب من ماض الأزمان
حكام عدل عزو الدار والدين
ويا سيدي سلطان يا طير حوران
يا اللي رجح طيبك بكل الموازين
سلمك ربي نحمده عالي الشان
الله يديمك يا طليق الحجاجين
لك في قلوب الشعب يامير مسكان
شعبك يحبك يا رفيع العناوين
كل فرح بك يا سلايل كحيلان
قدرك معي شعبك على الراس والعين
كم من فقير جاك يشكي وبلشان
وعوّد وهمه زاح من وضعه الشين
وكم من يتيم جاك والدمع غرقان
مسحت دمعه بالمحبة مع اللين
يا راعي الوقفات في سر واعلان
الكل يشهد لك على فعلك الزين
وكم غيرها سويت يا راع الاحسان
أفعال ما تحصى عسى عمرك سنين
ويا سيدي ما فيه شكر ونكران
جودك غمر كل العرب لك محبين
نفل محمد الصخابرة