أسعد الأوقات يوم يقال جا للدار عايد

ياهجوس الشعر بالله ياجزيلات القصايد
جمليني بالجزيل من القوافي جمليني
لانشرتك ثم قروك الناس في صحف الجرايد
فالزعيم الليث سلمان الوفاء علمأ يقيني
ذاك حاكم نجد بالسيف الحدب وافي الوعايد
..جامع الطيب وشجاعه غيرها حكمه وديني
جارك الله ياعساك مجار يارجل الشدايد
ماتشوف اليوم الاقشر فالليالي والسنيني
قلتها من قلب صادق ترجم لسان ابن كايد
دافعه صدق المعزه يابو فهد والحنيني
ياسند لاخوان نوره ياسعد لأم الفرايد
الرياض اللي تطور كل يوم وكل حيني
نافست كل العواصم واشمخت والخير زايد
.من فعل سلمان رمز المجد والركن الحصيني
بعد توفيق الولي رباً عليما بالعقايد
العليم اللي يعلم الغيب رب العالميني
اسعد الاوقات يوم يقال جا للدار عايد
العديم النادر ابن النادر الحر الفطيني
والتهاني يذيعها التلفاز عن كل البدايد
غير ناساً بالجرايد من محبة كاتبيني
محمد بن عايض السبيعي