استبشري يا دار في منبع الطيب

استبشري يا دار في منبع الطيب
جانا عقب ما ابطى علينا غيابه
جانا أبو خالد ملاذ المغاليب
جانا زعيم الطايله والذرابه
يا سيدي سلطان مليون ترحيب
از فها باسمي وباسم القرابه
هلا هلا بك عد ما يقنب الذيب
واعداد ما يشكي صويبن صوابه
يا مرحبا ياللي تحل المصاعيب
ياللي شديد الهم عندك ذهابه
شرفت دارك يا كبير المواهيب
وشرفت شعبك والوطن مع ترابه
من غيبتك وجروح شعبك معاطيب
ويوم لفيت الدار زالت كآبه
يالله عسا ما غير هالغيبه تغيب
ما دام غيبة حضرتك واعذابه
يا سيدي من دونك الدار تغريب
والعمر دونك ماحسبنا حسابه
من ياردك يلقى لذيذ المشاريب
وانت الامير اللي عزيزن جنابه
ادعي لك اللي يعلم السر والغيب
يطيل عمرك يا كبير المهابه
وسلامتك يا مير يا منبع الطيب
ويالله عسا مثلك جزيلن ثوابه
منيرة العتيبي