صوت الصورة

عوداً على الكرسي ضعيفاً وحجاج
عطشان ويسقى بالمروفة زلالي
وسط المشاعر جندنا لكل محتاج
يرجون وجه الله عزيز الجلالي
صالح عبدالعزيز السويح
تسلم يمين اللي سقى العود شربه
ما هي غريبه منك يا راعي الدار
حضيض من فرّج عن الناس كربه
جعله ومن مثله بعيداً عن النار
سعد الحماد
الله يجازي من سقاني بالاحسان
وتوفقه يا رب يا خير معبود
هذا كيراً بالمشاعر وعطشان
يحتاج للميّه بعد كل مجهود
عبدالرحمن بن منصور التركي - البكيرية
كشاف يسقي الكهل من موية الصحة
تراحم أهل البلد جسدها في الشايب
عطف على الحاج يومه شارق بكحه
رجل بسيماه خير لربنا تايب
سعود عبدالعزيز الهزاع - نعام
عوداً كبيراً السن متعب وضميان
الله يسقيك العافيه يوم تسقيه
أنا أشهد انك يا فتى ما أنت خسران
واللي يحتاج مساعده لا تخليه
زين مقبل العنزي - بريدة
دامنا في ظل أومتعب سلام
من لفا للحج دربه سهّله
وأنت يا كشّاف جعلك ما تضام
عزوة المضيوم مثلك مدهله
محمد بن فهد الجلعود - سميراء
لو خيروني بين جندي ودكتور
اخترت جندي لأنها عسكريه
من غير نقص في الدكاتر ولا قصور
ذولا رجال الأمن أهل الحميه
بندر عبيد الشيباني - ثادق
الله يا هو منظراً بافتى الجود
فيه يتجلى كل عطف ومحبه
تخدم حجيج البيت ما ترجي الفود
وسلمت يمين تمسك الما تصبه
حمد عبدالله الوايلي
ما جور يا من يسقي الحاج شربا
تلقى ثوابك عند رب البريه
شايب كبير السن ظميان حرقا
خدمة شرف والطيب بنفس زكيه
حجب بن ردن العصيمي - مكة المكرمة
مشكور يا شهم تمثل بلادك
في دولة الإسلام في كل الأمان
سقياء الحجيج كسب الأجر غاية مرادك
يا كشافنا ياللي على الأجر ولهان
خالد بن ناصر المخيمر
سقاك الله من الكوثر
يوم رديت على الظما
ويكتب لك عظيم الأجر
ويبعد عنك كل البلا
سلمان المعيلي - الرياض
الكل يركض لاجل خدمة ضيوفه
حكومه وكشاف وشرطه بترحيب
هذي بلاد الخير وهذي وصوفه
فيها الكرم فيها الوفا منبع الطيب
محمد بن عبدالعزيز الخنيفر - أشيقر
نرحب بمشاركاتكم الشعرية حتى مساء الاثنين على الفاكس رقم 4871070أو الايميل الخاص بصفحة الخزامى: Khozama@alriyadh.com زاوية: (صوت الصورة).. ويا هلا..