اللغز

الأسبوع الماضي كان لغز الاسبوع من طرح الشاعر صالح عبدالله الزرير التميمي من الرس والذي يقول:
رجل قتل والده عمدان
والرب باللي فعل راضي
تسعة اخوانه بلا نقصان
اللي لهم صيت بالماضي
وقد توصل للحل شعراً
ابو عبيده من الشجعان
عاشر عشر نجمهم ناضي
مبشرين برضى وجنان
من ربهم جزل الأعواضي
حمود العامر الحنيني - القصيم
حيوا التميمي عدد ما بان
نجم وما لاح من ناضي
ابو عبيده وذاك حصان
عامر وعنه الولي راضي
صلاح بن عبدالله اليابس - رحيمة
لغز لفانا عمل فنان
وهو قديم من الماضي
(ابو عبيده) من الشجعان
بالمعركة خص لا هاضي
علي رشيد الرشيد - رياض الخبراء
لغز التميمي جزل مليان
من ضعف الألغاز مغتاضي
عامر صحابي بشير اجنان
ببوه عن ذابحه عاضي
فهد بن عقيل الطويان - بريدة
عشرة ما خاواهم الجابان
حرمهم الله عن اللا ضي
من ضمنهم عامر الربحان
والمشرك يموت مغتاضي
محمد عبيد الديحاني - القصيم
حي التميمي ولغزه المليان
عد ما لاح برق وناضي
من عشرة الجنة لهم ضمان
ابوعبيده ليث الاراضي
محمد عبدالرحمن التركي - الدمام
لغز التميمي على برهان
ماهو بقول على الفاضي
القتل في ساحة الميدان
عامر ينفذ قضا القاضي
سالم البشري - الجبيل
صالح ترى لغزكم لي بان
كما برق بالدجي ناضي
ابو عبيدة رفيع الشان
ماهو كلام على الفاضي
راشد بن ناصر الشقيق - القصيم
في غزوة بدر يوم التقى الجمعان
ابو عبيدة بحرب على الشرك خاضي
ضرب على الكايد ولا صار بحلان
ذبح ابوه بحكم للشرع قاضي
عبدالمجيد محمد الفريح - الرياض
اللغز واضح من العنوان
والحل رجل (ن) من الماضي
ابو عبيدة وتسع اخوان
الله على فعلهم راضي
يزيد احمد الطيار - حفر الباطن
ركبت فوق الجمل شقران
ادور الشيخ والقاضي
افتوا بعامر من الشجعان
للدين يزعل ويغتاضي
محمد ابو دحيم - البدائع
كما توصل للحل نثراً:
رشيد بن سلامه الهديرس - حائل
لغز الاسبوع
من طرح الشاعر منصور باجد الحنيني من القصيم ويقول:
انشدك عن رجلين دايم ولايف
اخوان دايم يا جماعة جميعي
نسمع ندا واحد ولكن ماشيف
والا ترى الثاني نشوفه طبيعي
نستقبل الحلول على الفاكس 4871070او البريد الالكتروني: Khozam@alriyadh.com