مرحوم.. يا فقيدة وطنا

هذه القصيدة رثاء ومواساة في وفاة الشيخ عبدالعزيز بن جامع رحمه الله شيخ قبيلة الروسان تغمده الله بواسع رحمته وأسكنه فسيح جناته..
يا الله يلي كلنا منك وإليك
ما تأخذه منا وما بقيت منا
يا واحداً كل البشر بين أياديك
أجبر عزانا في فقيدة وطنا
ولا هوب أنا اللي يابوخالد مسميك
سماك أبومتعب زبون المجنا
الوافي اللي ما تجاهل مساعيك
عبدالله اللي يدحم الضد عنا
يوم العزاء شارك لنا في تعازيك
رغم ارتباطه وانشغاله تعنا
عقب الوفاء الماضي مهوب متناسيك
جعل الليالي فيه ما يفجعنا
والأسرة اللي شاركوا بالعزاء فيك
جو للمواسى فيك منا ومنا
مرحوم يا شيخ قبيلتك تغليك
وتشكر جهود فيك ما يجحدنا
اقصى القبيلة كنه ادنا بنيخيك
ميزان عدل من رجح له تهنا
يا كثر ناس شاملتهم حسانيك
من صافحنه بيض اياديك غنا
عقب المتاعب والضما والتهاليك
هاذي فللهم فالمزارع تبنا
وياكثر مداحك وياقل شانيك
ويا كثر صداتك للأخصام عنا
واللي من الأجناب يسمع بطاريك
امسى بعد فقدك يون ويحنا
وعسى عوضنا يوم قفت لياليك
فالستة اللي سيرهم ما تونا
تنهج بمنهاجك وتمشي مماشيك
وتدري مشا كلنا وتقدى ضعنا
الستة اللي رافعتهم مجانيك
عز القبيلة وومرانا واهلنا
انته مناديهم وخالد مناديك
وحنا بعد شوف النتايج ظمنا
ان المناهج مع مناهيج اهاليك
مناهج راياتها يرفعنا
وختامها الله بالتسامح يجازيك
ويحسن ختامك يا فقيدة وطنا