يا خادم البيتين

قلوبنا تبقى معك وين ما كنت
أخذت معك قلوبنا غصب منا
لنك سكنت ابها ومنها تمكنت
ولنك الوحيد اللي بطيبه شملنا
ولنك الوحيد اللي على الجود هيمنت
عز الله أنك صدق حاتم زمنا
وعز الله إنك صنت شعبك ولا خنت
من غيرك اللي ضمنا واحتضنا
ومن غيرك يلبي نداء شعبه الا أنت
تعط الأرامل والضعيف المسنا
وتروف بالأيتام والطفل والبنت
وتعدل أوضاع الفقير المعنى
أوفيت مع شعبك وكفيت وأحسنت
وشعبك يحبك يا زبون المجنا
وأنا على حبك تربيت وأدمنت
يا معرب الجدين منا ومنا
دام أنت حي ما هان شعبك ولا هنت
في عهدك قصور التطور تبنا
تسعى لتطوير الوطن ما تهاونت
رفعت بجهودك مكانة وطنا
وطمنت راس اللي يعاديك طمنت
عزمك قوي يم العلا ما تونا
وعلى السياسة والمعرفة تسلطنت
وحنا معك في ساعة الضيق حنا
أرواحنا فدوة ليا قمت وأعلنت
واليوم غاية رغبتي وأتمنى
ترجع لنا بأتم صحة كما كنت
هذي مشاعر شاعرٍ فيك غنا
كتبتها لك وفيها تفننت
سلمان طلق العتيبي