الفرقا

يا صاحبي الروح من فرقاك منصابه
من بعد فرقاك من غيرك يداويها
دايم عيوني على فرقاك صبّابه
تهل دمعٍ واخاف الدمع يعميها
والحال من بعدكم كثرت به أطبابه
والناس عيّت تروف بحال راعيها
اللي ملك خافقي روّح ولا جابه
قفى وخلا حياتي مع مناويها
يا ما خذ القلب ردّه ويش تبغابه
قلبي معك بس روحي وش معنيها
أنا أحسب ان الهوى ما هوب بنهابه
لكن عرفته وطحنا في مهاويها
يا ويل من طاحله في ناس كذّابه
من بعد طول الزمن باحت سناويها
تشوفهم في الرضا بالضحك عجّابه
وبوقت الشدايد قليلات حسانيها
عوّد ترى خاطري يا كثر ما صابه
والنفس يا صاحبي باحت هقاويها