يا مركبٍ كبشك على تندة الجيب قل للدريول ينتبه للمطبات ذكرتني بالقرم وقت المجانيب سيارة الرحلات في فايتٍ فات علي الغنام - ثادق شفت الطلي مع صاحبه فوق تنده منظر غريب وزاد عندي غرابه ما قد خبرات الجيب راعيه كده ولا قد خبرت الجيب هذا زهابه سعود بن سعد الحافي - الرياض يا راعي الجيب ناوي لك على نيه لكن خويك عسى ما تنطلق شاته أنصحك لا تتركه هاللون موليه إن كان ما تعرف الدرب ومطباته عقاب بن سقيان العتيبي - الجمش تستاهلون الشحم ياللي مكاشيت من قدركم اخترت أطيب ذبيحه جبته على الفكس آرما هو بوانيت لعيونكم ياهل الوجيه الفليحه خالد بن ناصر المخيمر - روضة سدير نشوف الخطر بعض البشر يتبعونه على ظهر جيب قدمكم ما خفاكم وهذا ومثله ليتهم يمنعونه وفي ظرف لحظه أحسن الله عزاكم محمد بن عبدالعزيز الخنيفر - أشيقر يا راعي الفكسار ما هذا محله لياك تعرّض خروفك للأخطار شف راعي الددسن في صندوقه أوشله كانك أخذت النصح أو تقبل الأشوار عبدالعزيز عبدالرحمن الماجد - ثادق كلفوني بالطلي لا يقوم ولا يطيح كف متمسك به والكف الآخر ماسكه بين عج وبين بطناج ماني مستريح وزوود الكيله خروف دبحني بحسكه ماجد عبدالعزيز الثميري - المجمعة جوّد خروفك زين لا ينطلق منك.. واليا انطلق عدّه خروف انتحاري يدري وراه الصوت في داخلك ضنك.. فوق الصحن مكبوس رزاً بخاري عبدالحكيم طلق العضياني - الرياض الله يستر على اللَّي فوق ليَّا الفرامل اتكرءفسهم وانكان سوَّاقهم مطفوق قولو له الله يرحمهم عبدالكريم عبدالرحمن السلوم - القرائن من فوق سلة جيب حمّل خروفه معه الولد وصاه وبكفه إرباط فرّط يشيله ليه وشي ظروفه وليا مشى ملزوم يرفق ويحتاط عبدالله سعود الفهيد - الزلفي جيب لكزس والجيب الآخر قباله قفا وتيسه فوق سقفه يشيله غالي الثمن ودافع فيه ماله وليت الونيت اللي قباله يديله حمد عبدالله الوايلي - حوطة سدير حس بفراغ راعي الجيب ثم جاب كبش وحمّل فوق شبك الصحاري الجائزه عساه يظفر بها الشاب يسوقها للحوش قبل الغداري سعود بن عبدالعزيز الهزاع - نعام
