«لامٍ قمرية» تجلّت بالظهور وبالعمل

كان لغز الأسبوع الماضي للشاعر: مقرن بن متعب الهرف والذي يقول:
ياويش بنتينً لهن نفس الملامح والشّكل
طبق الاصل توأم سيامي ما تميّزه العيون
الّا ليا ذكرن بساميهن تيقّنها العقل
امْن القمر والشمس تاخذ ميزةً لو تعلمون
والذين توصلوا للرمعة الصحيحة فقط:
قريت اللغز يا مقرن وفي حله امل
واللي قرأه اليوم يشارك في حله وهو ممنون
حله تراه اللام شمسية ولا به عندنا خلل
مع القمرية اللي نطقها لازم مافيه اظنون
علي الرشيد - رياض الخبراء
حيّرت فكر اللي قرا لغزك ودوّر للحلل
بنتين في رسم الكتابة بالتشابه يظهرون
«لامٍ قمرية» تجلّت بالظهور وبالعمل
و»لامٍ هي الشمسية» اللي بالخفا يتوارثون
بندر بن متعب
يامرحبا في مرحبا مليار مليون ودبل
باللغز واللي جاب له لغز اللغه للعارفون
واقول حله بالقمر والشمس لامين محل
وحده تبين بنطقها والثانيه شوف العيون
علي مونس الجدي - الرياض
حبيت اشارك ياجماعه لاجل الاملا والفعل
والحل لامين القرايه كان شمس او كان مون
هذا جوابي وان بغيت الحل عندي يابطل
الحل به لام القمروالشمس لام الزيزفون
خالد ابراهيم المرشود - الشعبه
لغز الأسبوع
كتب لغز هذا الأسبوع الشاعر: محمد البشري من رياض الخبراء ويقول:
ابنشد اهل العرف ويش الجماعه
اللي لهم ذكرٍ من اول وهالحين
تجمعوا مصغين سمعاً وطاعه
ومن العجب عادو لهلهم على الدين
نستقبل الرمعات والحلول خلال أربعة أيام
من نشر اللغز على الإيميل:
rb-khozama@alriyadh.com