الجار له حق ياخذ كل تقديره الحق له لو بدت من عنده العيله

كان بيت الأسبوع الماضي للشاعر حمد عبدالله الوايلي من حوطة سدير ويقول:
ياليت بعض العرب يحسن له الجيره
في جاره اللي توذا من غرابيله
وكان الصدى من الشعراء جميلا :
الجار له حق ياخذ كل تقديره
الحق له لو بدت من عنده العيله
نصبر على اذاه لو دقت مزاميره
ولو كان هو بالعواجه مسرج خيله
لابد الايام تركض ثم يجي غيره
والا رحلنا وكل له محاصيله
حاتم الشاهر - الشنان
الجار قبل الدار في كل ديره
احرص على جارك لو ما له قبيله
اكسب وده لا تنشده عن تقصيره
ادمح خطاه ترى التسامح فضيله
الدين وصى الجار ما وصى غيره
واللي يخون الجار ياعزتي له
صالح بن إبراهيم السنيدي -الوشم
للجار في ديننا حشمه وتقديره
وفي بِره أوصى الرسول وحث تفضيله
وترى للعرب في إكْرامه أنصع السيره
وترفا خماله ولايرضون تذليله
ووقفاتهم بالوفا تسبق معاذيره
وقصة مهادي مع إنْويشي وتدليله
وفي عرفهم لا شِكى قصيرٍ من قِصيره
أكبر مِذمه ولا في امرها حيله
سعود عائش الحربي- جدة
هذا مثل قيل بالتاريخ والسيره
ابحث عن الجار قبل الدار وفليله
في شرع الاسلام لازم نحسن الجيره
نعرف حديث النبي فا الجار تدليله
واجب على الجار سابع جار تقديره
ان كان من ملتي و لا هل الميله
محمد عبدالله الشهري - مكة المكرمة
بيت الأسبوع
كتب بيت الأسبوع الشاعر رجا بن رمال من الرياض ويحث فيه على نظافة مكان النزهة قبل مغادرة المكان ويقول :
ياللي طلعت بوادي ظل واشجار
دع المكان احسن منه قبل تاتيه
نستقبل صدى البيت المطروح خلال ثلاثة ايام من نشر البيت المطروح
على إيميل الصفحة:
rb-khozama@alriyadh.com