موجود حل اللغز في كل الاوطان سكر زجاج الجيب يا سعود باحكام

كتب لغز الأسبوع الماضي الشاعر خالد إبراهيم المرشود من الرياض والذي يقول:
ياويش رجال كثير بالاوطان
وفي كل بيت وكل موتر له احجام
اول ورابع حرف فعل لسجان
وثاني مع اول حرف مهنه بالانعام
وكانت الرمعات الصحيحة من الشعراء:
موجود حل اللغز في كل الاوطان
سكر زجاج الجيب يا سعود باحكام
عندك ببيتك به نوافذ وبيبان
عيدك مبارك كل عام بثر عام
محمد بن عبد الرحمن ابودحيم - البدائع
اللغز يا خالد لقيته بالإعلام
وأنا قريت اللغز واصبحت فرحان
حله زجاج وباذل فيه باحكام
عسى يصيب الحل يا طير حوران
علي الرشيد - رياض الخبراء
سلام مني عد دورات الايام
للشاعر اللي جاب لغزه للاذهان
حله زجاج ان رحت للشرق والشام
لازم تشوفه يا بعد كل كوبان
علي برجس المصقر - الرياض
من ديرة بيني وبينك بحر زام
وبحور غيره والصحاري وديان
ارسل سلامي لك وللربع الاكرام
وظني زجاج الحل يا طير حوران
علي مونس الجدي - فرنسا
خذ حل صالح حاضر كامل تام
يابادع لغزك على فن واتقان
زجاج من رمل يهيا له احجام
ياخالد المرشود يا طير حوران
صالح محيسن الجعفري - الرياض
الحلّ يوجد في المواتر وجدران
على كلامك، وعرفوه أهل الافهام.
هذا زجاجٍ ما حجب شوف الاعيان
عن الحدايق والمكاتب والأقسام.
محمد مقحم المقحم - الرياض.
يا مرحبا بك عد همال الأمزان
وعداد ما رفت اطراف الأعلام
الحل عبر الزاويه يجيك اعلان
حله زجاج ما هو قول الأفلام
حمد عبدالله الوايلي - حوطة سدير
يابن مرشود اللغز هين ورنان
والحل عندي باين (ن) مابه اوهام
زجاج به كثير اشكاله مع الوان
منافعه للناس من قدم الايام
صالح بن إبراهيم السنيدي -الحرييق (الوشم)
قلوبنا صفحة خزامى لها شان
ملتقى الشعار عالين الافهام
زجاج حل اللغز له عندنا شان
يالله عسى للغز حلي تمام
سعود عائش الحربي - جدة
لغزك سهل وحله بالأمان
ثروة بوطنا جعل امرها مستدام
رمال الصحاري كنوز بكل الأزمان
نصنع منها (الزجاج) ونحقق الأحلام
محمد السعيد - جلاجل
لغز الأسبوع
كتب لغز الأسبوع محمد مقحم المقحم من الرياض ويقول:
أنشدك عن عذرا لها في البشر حرب،
اقول قولي ذا وكلٍّ يقوله.
أول وثاني حرف له بالنسب قرب،
هنيّ من ربعه والاقراب حُوله.
والثاني وأول مخاواك للسرب،
عسى اللي تخاويه تنفع فعوله.
والرابع وثالث تشوفه مع الدرب،
في البرّ ترجي ما يطوّل مُحُولِه.
نستقبل الحلول خلال «ثلاثة أيام»
من نشر اللغز على إيميل الصفحة:
rb-khozama@alriyadh.com