أبطيت أفكر لين وضحت الأسرار هذيك بطارية تضغط بزر

كان لغز الأسبوع الماضي للشاعر خالد المرشود من الرياض والذي يقول:
أنشدك عن بنت لها فعل جبار
بالبيت والمكتب وجوف المواتر
أول وثاني حرف طير بالانهار
وان ضفت ثالث حرف معنى التأخر
في جوفها تلقى بها ي اولد طار
ما من غنى عنها مع البرد والحر
ومع شكرنا للكم الهائل الذين أرسلوا رمعاتهم إلا أن الذين تمكنوا من الرمعات الصحيحة:
سلام يا خالد نواوير وازهار
لشاعر اللي جاب لغز امبرر
الحل بطارية صدق واقرار
هذا جوابي يوم الأبيات تصدر
علي الرشيد- رياض الخبراء
بصفحة خزامى الخير وافين الاشبار
اللي لهم دايم نحب ونقدر
لقيت لغز حابكه طيب الكار
غطو جميل منه مبسوط مستر
هذي البطارية جوابه بالاشعار
مهمة للناس والكل يخبر
صالح عبدالله الزرير التميمي - الرس
اللغز ياخالد فتحنا له اسرار
إن حصل توفيق ولَّا نتعذر
الحل بَطَّارِيةٍ أم الاذكار
يا كِثر ما تقضي امورٍ تذكر
سعود عائش الحربي - جدة
الله يجنبكم دروب الأخطار
ولاقريت اللغز بحله اباشر
وحله بطاريه يا وافي الاشبار
هذاجوابه ما بغيره اخاطر
حمد عبدالله الوايلي - حوطة سدير
البارحه قمت اتلهى بالافكار
واقول حي اللغز والشاعر الحر
وابطيت افكر لين وضحت الاسرار
هذيك بطارية تضغط بزر
عبدالله مطير الحمدان - حايل
لغزٍ جمع كل المعاني والأفكار
شرّق وغرّب ثم بافكارنا قرّ
موجود في سيارةٍ سلفها دار
من شغل بطّاريّةٍ شغلها سَرّ
محمد مقحم المقحم - الرياض
بنتٍ لها قوة لها فعل جبار
تدير الاجهزة وكل المواتر
اول وثاني حرف هي بط أنهار
ومع ثالثٍ ابطا مسير المسافر
في جوفها طاقة بها العمر يختار
بطاريةٍ تغنيك في البرد والحر
فهد الفريجي - الرياض
لغز الأسبوع
كتبه لكم محرر اللغز ويقول:
انشدك عن بنت عطوف جميله
بنت على مر الزمن شانها شان
سميها عقب السنه تم حيله
والاسم الاخر بالوطى والسمهدان
اول وثالث حرف ضمن الفصيله
ورابع وثالث حرف في وسط بستان
نستقبل الحلول خلال «ثلاثة أيام»
من نشر اللغز على إيميل الصفحة:
rb-khozama@alriyadh.com