انا اعتقد حله ولا له بديلي شماسة السواق دونك بيانه

كان لغز الأسبوع الماضي من طرح الشاعر عبدالعزيز الصقيري من حايل والذي يقول:
ياويش بنت شكلها مستطيلي
تمنع ضرر بنت بعيد مكانه
اول وثاني حرف ماهي قليلي
وخامس ورابع حرف تنقيص شانه
ولم يحالف الحظ كثيراً ممن أرسلوا رمعاتهم للغز وما توصل للحل سوى:
ياللي بنيت اللغز ماله مثيلي
غزيربالمعنى وواضح بيانه
الحل شماسة وعندي دليلي
تمنع شعاع الشمس وفيها حصانه
علي الرشيد - رياض الخبراء
شماسة بالجيب شكله طويلي
تمنع ضرر شمسٍ بعيد مكانه
هذا جوابه جعل عمرك طويلي
واللغز مليان وقافه تكانه
محمد بن عبدالرحمن - أبودحيم - البدائع
عبد العزيز اللغز وافي جميلي
وفيما يلي حلِّه يجيكم بيانه
شماسة السياره أول دليلي
تمنع ضرر للعين مثل الحصانه
سعود عائش الحربي - جدة
مذكور بالخير الكثير الجزيلي
يابادع لغزه بعرف وتكانه
والحل شماسة وعندي دليلي
وعندي على حل الغطاوي ميانه
خالد إبراهيم المرشود - الرياض
حي الله بن العم حي الغفيلي
اللي علومه بالكرم مع سنانه
ولغزك نحله يالكريم الاصيلي
شماسة الموتر وحلي ضمانه
نواف هايف الجبرين - الرياض
لغز قريته شدني لتحليلي
وانا بحل الغطو عندي ضمانه
اتعبني التفكير يابن الاصيلي
والحل شماسه بعالي مكانه
حاتم عبدالله الشاهر - الشنان
انا اشهد ان اللغز لغز جزيلي
وعبدالعزيز بعرف حافه وصانه
وانا اعتقد حله ولا له بديلي
شماسة السواق دونك بيانه
علي مونس الجدي - الرياض
لغز الأسبوع
كتبه الشاعر نواف هايف الجبرين من الرياض ويقول:
ياويش ضو غاب وغيابه غياب
غيبه ابد ماهوب يرجع للاظهار
اول وثالث حرف يجلي للاتعاب
وثاني وثالث حرف في وسط الابحار
له سيرة عطره وله مجد واحباب
وله بنت فوق السحب واخواتها كثار
نستقبل الحلول خلال «ثلاثة أيام»
من نشر اللغز على إيميل الصفحة:
rb-khozama@alriyadh.com
شماسة