هذا تبيس لا مشى بعد الأذان نسمع رنينه وأهل البيت نيمين

كتب لغز الخزامى للصفحة الشاعر محمد البشري من رياض الخبراء ويقول:
أنشدك عن عودن كبيرن وونان
ياخذ بنات أحرار شيوخ وسلاطين
البنت ياخذها بلا عقد وقران
وبنتن يخليها على الستر والزين
له طلعتن مع طلعت النور لابان
وله غيبتن تفرحبها البنت يومين
وكانت الرمعات في معظمها صائبة:
هذا تبيس لا مشى بعد الأذان
نسمع رنينه وأهل البيت نيمين
ينقل بنات للمدارس على شان
العلم والتعليم وزيادة الدين
سعود الهجاج البشري - رياض الخبراء
ياحي لغز فيه للزين عنوان
وحي الله البشري طليق الحجاجين
واللغز باص من الفجر طب ميدان
ياخذ بنات من قريب وبعيدين
عبدالله عبدالهادي القحطاني - الخبر
الشكر يا محمد على لغز مليان
لك وللصفحه واخوانٍ عزيزين
والحل باص للمدارس بالاوطان
وقانونه اقوى مِن جميع القوانين
سعود عائش الحربي- جدة
قريت لغزن في معانيه مليان
من شاعرٍَ له بالجزالة عناوين
والعود يامحمد الى جاء مسيان
تلقاه مرتاح ولا يتعبه شين
وان جاء الصباح يفر في كل ميدان
باص البنات اللي قديم وهالحين
فهد سعود الدوسري - الزلفي
يا محمد البشري تحية وعرفان
واثني تحية للخزامى الوفيين
والغز حله باص في كل الأوطان
يجمع بنات للمدارس مزايين
علي الرشيد - رياض الخبراء
يا حي لغز وافي الوزن مليان
لغز وحله ما يعوق الفطينين
ذاك التبيس الباص والباص مليان
بالطالبات الناجحات المزايين
عبيد عبدالله بن رمال - الجوف
ماكل لغز يعجب الفكر مليان
ولا كل قاف يلفت الراس والعين
واللغز هذا شدني ياكحيلان
واقول حله باص ياللي فهيمين
عبدالله عايد المفضلي -القاعد
لغز الأسبوع
كتبه للصفحة الشاعر عبدالله عايد المفضلي ويقول:
أنشدك عن رجل مرتب وله شان
بالجانب الشرقي من المملكه صار
يمكن بقى طاريه يالربع للان
واستبدلوا اسمه وباقي له آثار
اول وثالث حرف يرفع له إنسان
وثاني وثالث حرف هي أغلى الابشار
نستقبل الحلول خلال «ثلاثة أيام»
من نشر اللغز على إيميل الصفحة:
rb-khozama@alriyadh.com