كلمة صقر واللغز محيوف بأسلوب كله سلاسه يا جماعه ورقه

نظرا لصعوبة لغز الأسبوع الماضي رغم وروده فلم يستطع حل اللغز سوى ثلاثة شعراء، واللغز للشاعر عيد الفاران من حايل والذي يقول:
أنشدك عن رجل عزيز ومحبوب
رغم ان طبعه شرس ما فيه رقه
له بنت فيها وصفوا كل رعبوب
بنت تجيب العلم في كل دقه
ثالث وثاني حرف ما هو مرغوب
قضى عليه الحكم وانهى ملقه
وثالث وثاني وأول حروفه عذوب
يدله به المحزون دقه ودقه
والذين توصلوا للرمعات الصحيحه هم:
لقيت لغزٍ وافي النظم مكتوب
بصفحة خزامى وواجب أعطيه حقه
لا شك مليانٍ ولا فيه عذروب
وحله لقيته دون ريب ومشقه
كلمة صقر واللغز محيوف بأسلوب
كله سلاسه ياجماعه ورقه
صالح عبدالله الزرير التميمي - الرس
مشاركة إخواننا شي.. مرغوب
في صفحة اللي تقل اخونا نِعدِّه
الصَّقر حل اللغز يا عيد مكتوب
والحمد لله ما لِقينا مِشَقه
سعود عايش الحربي - جدة
يا مرحبا يا عيد والحل مكتوب
نشارك الرمعات ما به مشقة
الصقر حله عند الأصحاب محبوب
واللي وصل للحل يعطيه حقه
علي الرشيد - رياض الخبراء
لغز الأسبوع
كتبه للصفحة الشاعر حاتم عبدالله الشاهر من الرياض ويقول:
أنشدك عن رجل تحبه ملايين
رجل يلم الناس بالفعل والحس
أول ثلاث حروف ايه من الزين
وآخر ثلاث حروف شي من المس
وثاني وثالث حرف من بين قوسين
دون الفهد باحجم وأكبر من البس
نستقبل الحلول خلال «ثلاثة أيام»
من نشر اللغز على إيميل الصفحة:
rb-khozama@alriyadh.com