هذا القمر لاشك غالي علينا نور وجمال بأمر رب البريه

كان لغز الأسبوع الماضي من الشاعر بندر الحربي من الرياض والذي يقول:
انشدك عن رجل يروح ويجينا
يموت يوم وينبعث من قفيًه
اول وثاني حرف أمر يبينا
وثني وثالث حرف روحه وجيه
واذا عكست اسمه قل الله يعينا
اقصى التعب والموت نيته نيه
وقد وصل القسم عشرات الرمعات ولكن الغالب منها
غير صائبة:
اللغز يا بندر جوابه علينا
في صفحةٍ تغْلى عليك او عليَّه
هذا قمر ياكم بضَوِّه سرينا
وحلِّه بإذن الله مِيَّه بميه
يغِيب ثم لزم يرجع علينا
موَزِّعٍ ضوِّه لكل البِريَّه
سعود عائش الحربي - جدة
سلام يا بندر سلام سمينا
اللغز جيد والمعاني قوية
حله قمر وانا من الرامعينا
عسى نصيب الحل بالواقعية
علي الرشيد - رياض الخبراء
اللغز لامن صار لغزٍ سمينا
نشكر لمن سواه ونبدي التحيه
مثل القمر لاشك غالي علينا
نور وجمال بأمر رب البريه
هذا جواب الرجل قولٍ يقينا
وأرجو السموحة كان بالقول سيه
صالح الزرير التميمي - محافظة الرس
للغز يالحربي نشوف وقرينا
والحل واضح ماجرى فيه غيه
وترى القمر لابان نوره يبينا
نوره يجي في ساعته للبريه
وهذاجوابه واسمعه من بدينا
عبر الخزامى نارها دوم حيه
حمد عبدالله الوايلي - حوطة سدير
انشدك عن رجل يروح ويجينا
يموت يوم وينبعث من قفيه
اول وثاني حرف أمر يبينا
وثني وثالث حرف روحه وجيه
واذا عكست اسمه قل الله يعينا
اقصى التعب والموت نيته نيه
الحل
قمر
* أم أسامة
اهلا هلا ماصلوا المسلمينا
ترحيبة فيها المشاعر سخيه
وترى القمر حله وعندي يقينا
وتزين مع ضو القمر سامريه
حاتم الشاهر - الرياض
لغز الأسبوع
كتبه الشاعر خالد المرشود من الرياض ويقول:
انشدك عن بنت لها ياولد شان
ولا فيه بيت الا وموجودة فيه
اول وثاني حرف قاتل للانسان
وعكس اول الثلاث للفكر تشويه
نستقبل الحلول خلال «ثلاثة أيام»
من نشر اللغز على إيميل الصفحة:
rb-khozama@alriyadh.com