البنت معروفه تحرك بالامطار مساحه قدام وجه الغماره

كتبه الشاعر عبدالله عايد المفضلي من الرياض ويقول:
ياويش بنت مشيها ييمين ويسار
تذخر لرجل كل ابدى وقاره
اول وثاني حرف شر من الاشرار
وان شلت الاول شفت بنت بحاره
وقد كانت الحلول الصحيحة قليلة جداً مقارنة بكم الحلول المرسلة للقسم:
البنت معروفه تحرك بالامطار
(مساحه) قدام وجه الغماره
اول وثاني حرف من (مس) وامرار
واليا حذفت الميم ساحه قراره
محمد فلاح الجهني
لغزك يابن عايد وصل كل الأقطار
وانا على حله قوي الجباره
الحل مساحة ولا عندي اخيار
عند المطر ترقص وتبدي شطارة
علي الرشيد - رياض الخبراء
مسَّاحَة الموتَرفي وقت الامطار
شغَّالَة قدام وجه الغماره
مِن دونها يلحق على السايق اخطار
لو كان يملك بالقياده شطاره
سعود عائش الحربي - جدة
لغز الأسبوع
كتب لغز الأسبوع الشاعر بندر الحربي من الرياض ويقول:
انشدك عن رجل يروح ويجينا
يموت يوم وينبعث من قفيه
اول وثاني حرف أمر يبينا
وثني وثالث حرف روحه وجيه
واذا عكست اسمه قل الله يعينا
اقصى التعب والموت نيته نيه
نستقبل الحلول خلال «ثلاثة أيام»
من نشر اللغز على إيميل الصفحة:
rb-khozama@alriyadh.com