(الدلو) حله ذا جواب السؤالي لعله ايوافق جميع المسارات

كتب لغز الأسبوع الماضي الشاعر جزاع الناصر من حايل، والذي يقول:
ابي انشد اللي يفهمون الجزالي
عن رجل مدري بنت في ماضي فات
اول وثاني حرف شي ن جمالي
معروف عند الناس والبدو بالذات
واول وثالث حرف وسط السهالي
وثالث وثاني حرف للطرد كلمات
وثالث واول حرف حب ووصالي
ياللي تحل اللغز عجل بالابيات
الرمعات الصحيحة من الشعراء:
جزاع لغزك واضحٍ بالجزالي
عليه لَكْ كِل الشكر والتحيات
والحل دلوٍ بالليال الخوالي
تِجذب بِميٍ مِن بِيارٍ عميقات
سعود عائش الحربي - جدة
جزاع ياللي ناظم (ن) ها لجزالي
يا سعد من يفطن ويفهم الأبيات
فكرت في حله وهوجست ببالي
أظن وخاطري وكاد(ن) بالإثبات
دلو (ن) يعرفه القدام والتوالي
يغرف مياه البير لو هن بعيدات
صالح إبراهيم السنيدي -
الحريق (الوشم)
سلام ياجزاع لغزك مثالي
جزالة المعنى وزين العبارات
(الدلو) حله ذا جواب السؤالي
لعله ايوافق جميع المسارات
علي الرشيد -
رياض الخبراء
اللي تقول انه قديمٍ وغالي
ما حددوا جنسه وللناس لهجات
هذا الدلو نملاه بالما الزلالي
قبل المكاين واختراع ارتوازات
محمد مقحم المقحم - الرياض
لغز الأسبوع
كتبه للصفحة عيد فريح البادي من حائل، ويقول:
ويش بنت وسط رجال قديمي
مع بنات فوق عشر موكداتي
اول حروفه مع الثاني يهيمي
وثاني واول فحص شي ثباتي
ورابع وثالث وقع بيت مقيمي
ورابع وثاني هرب لاجل النجاتي
وثاني وثالث رجال حشيمي
وثالث وثاني ورابع له صفاتي
ضايع ماله شغل والله كريمي
واول وثالث مكان للوصاتي
نستقبل الحلول خلال «ثلاثة أيام»
من نشر اللغز على إيميل الصفحة:
rb-khozama@alriyadh.com