حله عقار وصار ربعه كثيرين وكل مكتب صار لجاره يباري

كان لغز الأسبوع الماضي لمعد زاوية اللغز والذي يقول:
انشدك عن رجل معمر له سنين
لو شاب ما يمه من الموت طاري
لو ينمرض ويطيح يصبر على البين
محبوب عند اهل البلد والبخاري
اول وثاني حرف طبع مهوزين
الله نهانا عنه والكل داري
واول وثالث حرف والرابع تبين
فضيحة مابين شامت وزاري
ومع كثرة الردود على هذا اللغز إلا أنه لم يتوصل للحل سوى:
انا هاضني برجً على شارع الستين
خرافه على راعية درهم وديناري
على عقده الثالث طوى له ثمان سنين
يقول لوكيله زد وازيدك من اعماري
عقارك عقارك ياوطنا تراه الزين
يقوله اللي ،، «ترى من باع انا الشاري»
سليمان السبتي
شكور يا عادي على لغزٍ ثمين
ودايمٍ بالسوق لِه اسمٍ وطاري
رمعتي للغز ويارب امين
وحله عقارٍ مبتغى بايع وشاري
والمملكه في ذا الصدد من سنين
سهَّلت للكل قرضٍ عقاري
وصفحة خزامى منتدى الطيبين
منتدى الشعار مع كل قاري
سعود عائش الحربي - جدة
لبو رجا نرسل تحايا ملايين
وكل الجماعة في خزامى الصحاري
حله عقار وصار ربعه كثيرين
وكل مكتب صار لجاره يباري
علي الرشيد - رياض الخبراء
هذا العقار اللي نعرفه من سنين
فيه المثل مذكور لاحل طاري
يمرض ولا يموت والناس دارين
فكرت في حله بوسط الحواري
محمد ابو دحيم - البدائع
الحل ياللي تعرفون القوانين
عقار مايموت والكل داري
خالد الشمري
اللغز إلى قلّبته يْسار ويْمين،
يبين حلّه مثل مشي السفاري.
هذا العقار اللي عرفناه من حين،
يغلى ولو هو في البداية صحاري.
يا ليتنا في ذيك الأوقات شارين،
يوم المتر سهلٍ ومعنا مصاري.
محمد مقحم المقحم-الرياض.
يالله يامنزل تبارك وياسين
ياعالم الحاضر وماكان صاري
تحمي بلدنا يا اله المصلين
وتعز دولتنا بكل افتخاري
واللغز حليته بحسب البراهين
عقار ياللي تعرفون العقاري
عبدالله مطير الحمدان - حايل
يابادع لغزك خذ الحل هاللحين
ماعاد لي ياطير شلوى انتظاري
عقار واللغز احفظه بين قوسين
ينزل ويطلع بين بايع وشاري
جزاع الناصر - حائل
يامرحبا يابادع القاف وأهلين
اعداد حبات البرد والخباري
الشايب اللي معمر له سنين
هذا عقار سعرة اليوم ناري
عبدالله السياري ابومتعب
كما توصلت للحل وفاء المبدل
لغز الأسبوع
كتبه للصفحة الشاعر صالح عبدالمحسن الجعفري من الرياض ويقول:
ويش بنت طبعها دايم لعيني
والحياء يجبرك تقبل في غثاها
اول الحرفين باطراف اليديني
واضح لغزي وشمس في سماها
وثاني وثالث ورابع شي زيني
وثاني واول نبت فوقه لحاها
نستقبل الحلول خلال «ثلاثة أيام»
من نشر اللغز على إيميل الصفحة:
rb-khozama@alriyadh.com