الشمس حله له مواعيد بقياس وقت الشتاء والبرد نطلب دفاها

كان لغز الخزامى الأسبوع الماضي للشاعر عبدالعزيز الصقيري والذي يقول:
انشدك عن بنت لها ياعرب بأس
بنت عظيمه كل حي رآها
اول وثاني حرف من ضمن الاحساس
وثالث وثاني حرف لبى نداها
وقد كانت الحول من الشعراء :
لغزك وصلنا اليوم ياطيب الساس
نبغا نشوف البنت وش محتواها
الشمس حله له مواعيد بقياس
وقت الشتاء والبرد نطلب دفاها
علي الرشيد - رياض الخبراء
فكرت في لغزك وقمت اضرب اخماس
ورفعت راسي يالاخو في سماها
لقيتها يابو سعود شمس الاشماس
كل صبح تشرق ثم نصحى معاها
فاطمه النصار - الرياض
حي الصقيري عد مزبور الاطعاس
وياحي لغزه واضح في سماها
الشمس حله ما يبي درس دراس
سبحان رب مدنا في ضياها
شجاع الهجهوج - الرياض
اللغز حليته ليت جايزته الماس
الشمس هي سبحان ربي براها
مشكور لغزك حرك الفكر بالراس
وموصول ل(الرياض) ربي رعاها
محمد السعيد - جلاجل
البنت معروفه لها وقت وارماس
تظهر لنا وتغيب داخل سماها
اول وثاني حرف (شم)بالانفاس
وثالث وثاني حرف (سم) وتباها
الحل (شمس) تبين من خلف الاطعاس
وخلف الجبال اللي صعيب رقاها
صالح بن صياح الجهني
حليت لغزك يوم دقيت الأجراس
وبنات فكري بالحروف تحداها
اول وثاني حرف شم على ساس
وثالث وثاني حرف سم وصداها
والشمس تشرق على ساير الناس
هذا جواب اللغز للي بداها
حمد عبدالله الوايلي - حوطة سدير
* نعتذر للشاعر سعود عايش الحربي من جدة بسبب سقوط اسمه سهواً في حلول لغز الأسبوع الماضي:
لغز الأسبوع
كتبه للصفحة الشاعر شجاع الهجهوج من الرياض ويقول:
انشدك عن رجل كريه ومحتال
يحمل ثلاث من البني في عباته
اول ثلاث حروف يشبه للآمال
وخامس ورابع حرف عكس انفلاته
له منزل لااستوفيت كل الآجال
في قاع بنت هذي أبرز صفاته
نستقبل الحلول خلال "ثلاثة أيام" من نشر اللغز على إيميل الصفحة:
rb-khozama@alriyadh.com